Pryhažość pa-biełarusku: ajčynnyja madelki na zamiežnych podyumach

Biełaruskija madelki apranuli majki z arnamientam i źnialisia dla «hlanca». Praŭda, pakul tolki biełaruskaha. Adzieńnie «Honar» pakazali na Fashion week, ale znoŭ tolki Belarusian. Mały krok zrobleny — suśvietna viadomy repier Snup Doh vypuściŭ kalekcyju «Snoop Loves Belarus». Ci pašyrycca trend z nacyjanalnymi ŭzorami na suśvietnuju modu?

Šaniec zaŭždy jość. Arnamient — heta cikava i nietypova. I defilavać jość kamu. Pryhažość biełarusak šanujuć nie tolki zamiežniki, jakija naviedvajuć hłamurnyja minskija kłuby. 

«Naša Niva» znajomić z samymi viadomymi biełaruskimi top-madelami. Chto viedaje, moža nieŭzabavie i jany «adčujuć, jak serca načami…».

Maryna Linčuk

Pavialičyć

25-hadovaja dziaŭčyna siońnia na samaj viaršyni madelnaha biźniesu i ŭžo daŭno pierajšła ŭ razrad top-madelaŭ. U Minsku prapracavała zusim niadoŭha. U 15 hadoŭ pajechała ŭ Maskvu. Paśla jana bolš za dva hady pracavała ŭ Japonii, potym zavajavała Jeŭropu i Ńju-Jork. Linčuk zdymałasia dla Versace, Christian Dior, Escada, Dolce & Gabbana, Max Mara i inšych brendaŭ z suśvietnym imiem.

Na podyumie jana pracavała taksama dla samych viadomych damoŭ mody: Givenchy, Gucci, Dolce & Gabbana, Versace, Christian Dior, John Galliano, Valentino, Chanel, Roberto Cavalli. Prymaje ŭdzieł u pakazach Victoria's Secret fashion show z 2008 hoda. Maryna jašče źjaŭlajecca i tvaram Dior. U rekłamnym roliku brenda jana ŭjaŭlaje vodar «Miss Dior Chérie».

Pavialičyć

Pryhažunia vałodaje anhlijskaj i japonskaj movami, addaje pieravahu viehietaryjanstvu.

Linčuk žyvie ŭ Ńju-Jorku, ale byvaje i ŭ Biełarusi — letam častku adpačynku jana praviała ŭ Rakavie, pad Minskam.

Kacia Damańkova

Pavialičyć

Jašče adzin anioł «Victoria Secret». Jaje šlach u suśvietny madelny biźnies pačaŭsia ŭ 2006. Tady 17-hadovaja Kacia vyjhrała prestyžny konkurs «Supiermadel śvietu» ŭ Ńju-Jorku. Jaje zaprašali dla fotasiesij časopisy ELLE, Marie Claire, jana pradstaŭlała brend TODS i zdymałasia dla katałoha H&M. Udzielničała ŭ pakazach Armani i Victoria's Secret.

Pavialičyć

Ciapier Kacia zamužam za rasijskim miljanieram, uładalnikam kłuba «Redynh» anhlijskaj premjer-lihi Antonam Zinharevičam. Kacia praciahvaje pracavać madelkaj, ale, pa jaje ž słovach, nie nadta aktyŭna.

Anastasija Bielikava

Pavialičyć

Pieršaja biełaruskaja, jakaja trapiła na vokładku Vogue, uvachodziła ŭ Top-50 samych zapatrabavanych madelaŭ śvietu. Madelnaja karjera Bielikavaj pačałasia z kastynhu ŭ Breście. Tady joj było 15 hadoŭ. Užo praz čatyry hady jaje imia stała viadomym va ŭsim śviecie.

Pavialičyć

Jak i Maryna Linčuk, pieršy čas pracavała ŭ Japonii. Jana sama śćviardžaje, što zavajavać jeŭrapiejski śviet mody joj dapamahli batforty: bahaž z tuflami na abcasach zhubili i na kastynhu Prada — daviałosia być u takim nietypovym dla madelaŭ abutku. Adnak mienavita boty (razam sa źniešnaściu, kaniečnie) spadabalisia Miuče Prada.

Kacia Chlabanava

Pišuć, što jana lubimaja madel Džordžya Armani. I, napeŭna, pieršaja biełaruskaja madel, jakaja dasiahnuła takoha pośpiechu ŭ industryi mody. Dziaŭčyna pačała źjaŭlacca na podyumach jašče ŭ 2000. Madelnuju karjeru skončyła ŭ 2005. Ciapier žyvie ŭ ZŠA, haduje traich dziaciej.

Tania Dziahileva

Pavialičyć

U 2010 hodzie časopis Esquire stvaryŭ sieksualnuju mapu śvietu — Tania Dziahileva na joj pradstaŭlała Biełaruś. Pracuje dla sustvietnych brendaŭ z 2006, tady joj było piatnaccać. Ciapier źjaŭlajecca na pakazach Chanel, Christian Dior, Hermès, Alexander McQueen, Jean Paul Gaultier, Missoni, Versace, Prada, Donna Karan, Calvin Klein.

Pavialičyć

Źjaviłasia na vokładcy rasijskaj viersii časopisa Vogue, na siońnia rekłamuje Hugo Boss, Michael Kors, Christian Dior, Lanvin, Yves Saint Laurent i Jean-Paul Gaultier.

Natalla Ramarčuk

Ličycca adnoj z najbolš pierśpiektyŭnych biełaruskich madelaŭ. U jaje kłasičnaja i adnačasova kazačnaja historyja pośpiechu — zaŭvažyli ŭ minskim mietro, a praz paŭhoda jana pradstaŭlała kalekcyi Prada, McQueen, Givenchy i Dior u Ńju-Jorku. Joj było 17 hadoŭ. A byŭ heta 2013.

Pavialičyć

• 0
• 0
• 0
• 0
• 0
• 0
• 0
• 0