Ministerstva handlu: u Minsku niedachop restaranaŭ ź biełaruskaj nacyjanalnaj kuchniaj
Navučalnyja sieminary i majstar-kłasy pa pryhatavańni straŭ biełaruskaj nacyjanalnaj kuchni buduć arhanizavany dla rabotnikaŭ restarannaha biźniesu Biełarusi, pierš za ŭsio stalicy.
Paviedamiŭ ministr handlu Valancin Čakanaŭ u čas kalehii na temu «Ab rabocie pradpryjemstvaŭ hramadskaha charčavańnia Minska».
Pavodle danych Minhandlu,
ciapier u Minsku adznačajecca niedachop abjektaŭ, jakija śpiecyjalizujucca na pryhatavańni straŭ biełaruskaj nacyjanalnaj kuchni i adlustroŭvajuć kałaryt kultury praz afarmleńnie interjera, arhanizacyju absłuhoŭvańnia i h.d.
Na terytoryi respubliki, u pryvatnaści, naličvajecca amal 200 takich ustanoŭ, u Minsku ich tolki 40.
Akramia taho, nazirajecca tendencyja da adkryćcia ŭ Minsku abjektaŭ restarannaha biźniesu, jany ŭ liku ahulnadastupnych abjektaŭ składajuć bolš jak 57 pracentaŭ. Pry hetym u stalicy niedastatkova abjektaŭ chutkaha absłuhoŭvańnia, jakija naceleny na prodaž straŭ pa nizkim košcie. I ciapier u Minsku funkcyjanujuć tolki 385 takich ustanoŭ, tady jak u Bresckaj vobłaści ich 426, u Homielskaj — 545.
«Choć rabota śfiery hramadskaha charčavańnia Minska apošnim časam vyklikaje ŭ rabotnikaŭ handlovaha viedamstva šmat pytańniaŭ, jakija patrabujuć vyrašeńnia, varta adznačyć, što za apošnija hady sietka hramadskaha charčavańnia stalicy istotna źmianiłasia», — skazaŭ ministr. U pryvatnaści, adkrylisia novyja abjekty, jakija vyznačajucca cikavaj kancepcyjaj, dyzajnam, asartymientam prapanujemych straŭ i pasłuh. U hetym hodzie adkryty ŭžo 192 ustanovy na 7,5 tys. miesc.
«Umieńnie pracavać i vysoki ŭzrovień absłuhoŭvańnia staličnaje hramadskaje charčavańnie prademanstravała pry arhanizacyi charčavańnia ŭdzielnikaŭ i haściej čempijanatu śvietu pa chakiei»,
— padkreśliŭ Valancin Čakanaŭ.
Udzieł u pasiadžeńni kalehii pryniali pradstaŭniki dziaržaŭnych orhanaŭ (ministerstvaŭ handlu, pa padatkach i zborach, achovy zdaroŭja, Nacyjanalnaha banka) i kiraŭniki arhanizacyj hramadskaha charčavańnia. U čas sustrečy adbyŭsia kanstruktyŭny dyjałoh pamiž orhanami dziaržkiravańnia i pradstaŭnikami pryvatnaha biźniesu.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii27
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary