Prakuratura vyniesła papiaredžańnie aktyvistu arhkamiteta pa stvareńni BCHD Alaksandru Chrapko
Jak paviedamiŭ kaardynatar BCHD pa BrestuAlaksandr Chrapko, 13 listapada ŭ prakuratury, kudy jaho vyklikali pozvaj, jamu ŭručyli aficyjnaje papiaredžańnie ab niedapuščalnaści parušeńnia patrabavańniaŭ zakona «Ab palityčnych partyjach».
U dakumiencie havorycca, što prakuraturaj praanalizavanaja infarmacyja ŭpraŭleńnia KDB pa Bresckaj vobłaści ab udziele Chrapko ŭ dziejnaści nie zarehistravanaj va ŭstanoŭlenym paradku palityčnaj partyi «Biełaruskaja chryścijanskaja demakratyja». Zhodna z hetaj infarmacyjaj, Chrapko braŭ aktyŭny ŭdzieł u arhanizavanych BCHD kampanijach «Za mały pryhraničny ruch» i «Abaronim našych dziaciej ad ałkahalizmu». U adpaviednaści z č. 3 art. 7 zakona «Ab palityčnych partyjach», zaznačajecca ŭ papiaredžańni prakuratury, dziejnaść niezarehistravanych partyj, sajuzaŭ na terytoryi Biełarusi zabaraniajecca i, takim čynam, udzieł u dziejnaści niezarehistravanaj partyi supiarečyć patrabavańniam zakanadaŭstva ab palityčnych partyjach.
Z papiaredžańnia prakuratury vynikaje, što ŭ vypadku parušeńnia Chrapko paradku ŭdziełu ŭ dziejnaści palityčnych partyj jon moža być pryciahnuty da ŭstanoŭlenaj zakonam adkaznaści.
«Spačatku ŭłady ŭsialak pieraškadžajuć rehistracyi niepažadanych dla ich hramadskich ab`iadnańniaŭ i palityčnych partyj, zatym pieraśledujuć aktyvistaŭ hetych niezarehistravanych struktur, — prakamientavaŭ situacyju pravaabaronca Raman Kiślak. — A jašče, na maju dumku, heta vykarystoŭvajecca, jak u vypadku z Chrapko, dla «začystki» apazicyi pierad prezidenckaj vybarčaj kampanijaj».
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary