Łaŭreatam premii imia Sacharava «Za svabodu dumki», jakaja štohod prysudžajecca Jeŭraparłamientam, staŭ doktar-hiniekołah z Demakratyčnaj Respubliki Konha (DRK) Denis Mukviehie.
Ab hetym paviedamlajecca u aŭtorak, 21 kastryčnika, na sajcie Jeŭraparłamienta.
Rašeńnie było pryniata adnahałosna. Prezident Jeŭraparłamienta Marcin Šulc zajaviŭ, što heta nie było rašeńniem suprać «Jeŭramajdanu» — u liku pretendentaŭ byli taksama žurnalist Mustafa Najem, śpiavačka Rusłana Łyžyčka, aktyvistki Lizavieta Ščapiacilnikava i žurnalistka Taćciana Čarnavoł. Jany byli zaprošanyja na cyrymoniju ŭručeńnia premii, jakaja projdzie 26 listapada na parłamienckaj siesii ŭ francuzskim Strasburhu.
59-hadovy Mukviehie ŭ 1998 hodzie, padčas vajny ŭ DRK, zasnavaŭ balnicu ŭ horadzie Bukavu, jakaja śpiecyjalizujecca na lačeńni žančyn, jakija padvierhlisia hvałtu. U kastryčniku 2012 hoda na doktara byŭ ździejśnieny zamach, u vyniku jakoha zahinuŭ jaho ciełaachoŭnik. Mukviehie byŭ vymušany źjechać u Jeŭropu i viarnuŭsia ŭ DRK tolki ŭ 2013 hodzie.
Premija imia rasijskaha vučonaha i pravaabaroncy Andreja Sacharava ŭručajecca z 1988 hoda. Pieramožca atrymlivaje 50 tysiač jeŭra. Premiju dvojčy atrymlivali biełarusy — u 2004 h. Biełaruskaja asacyjacyja žurnalistaŭ, u 2006 h. — Alaksandr Milinkievič.
U 2013 hodzie łaŭreatam premii stała dziaŭčynka-pravaabaronca z Pakistana Małała Jusufzaj, jakaja pieražyła zamach talibaŭ. U 2014 hodzie jana była ŭdastojena Nobieleŭskaj premii miru.
Kamientary