U Biełarusi robicca ŭsio dla taho, kab nie dapuścić praniknieńnia virusa Eboła na terytoryju krainy.
Pra heta paviedamiŭ žurnalistam hałoŭny dziaržaŭny sanitarny ŭrač Ihar Hajeŭski. Pavodle jaho słoŭ, siońnia ŭsie słužby hatovyja sustreć mahčymuju prablemu. U pieršuju čarhu ŭsie siły skancentravany na miažy i ŭ aeraporcie.
Štodnia taja ci inšaja słužba prachodzić pravierku abo vučeńnie. Naprykład, siońnia takija vučeńni prachodziać na mytni.
Pa słovach Hajeŭskaha, samaja vialikaja niebiaśpieka — heta studenty ź Nihieryi, jakija navučajucca ŭ VNU Biełarusi.
Paśla prybyćcia ŭ našu krainu ŭsio jany 21 dzień (inkubacyjny pieryjad zachvorvańnia) nazirajucca śpiecyjalistami. Akramia taho, u hrupie ryzyki — tyja, chto prybyŭ ź inšych krain Afryki.
Za niekalki miesiacaŭ tolki 5 čałaviek u Nacyjanalnym aeraporcie i adzin u Viciebsku — prybyłyja ź Nihieryi studenty — «kanfiskoŭvalisia» karancinnaj słužbaj, bo ŭ ich była zafiksavana pavyšanaja tempieratura cieła. Paśla hetaha ludziej adrazu izalavali i špitalizavali. Analizy na virus Eboła byli admoŭnymi.
Ihar Hajeŭski źviarnuŭ uvahu, što daktary-infiekcyjanisty jość pa ŭsioj Biełarusi, a praktyčna ŭ lubym rajonnym centry jość infiekcyjnaja balnica, adździaleńnie albo boksy dla takich chvorych. Na adlehłaść 25—30 kiłamietraŭ zaražanaha moža padvieźci śpiecyjalna abstalavanaja bryhada chutkaj dapamohi. Techničnaja asnaščanaść, pavodle słoŭ śpiecyjalista, dastatkovaja, ale prapracoŭvajecca pytańnie ab nabyćci bolš sučasnaha abstalavańnia.
«My padrychtavali bolš za 4 tysiačy śpiecyjalistaŭ usich napramkaŭ i śfier, jakija mohuć sutyknucca z prablemaj (virusa Eboła», — paviedamiŭ Hajeŭski.
Naprykład, pry vykliku chutkaj dapamohi chvoramu śpiecyjalisty ŭdakładniać, z kim kantaktavaŭ chvory, kali treba, vyjedzie adpaviednym čynam ekipijavanyja bryhada: u maskach, akularach, kaściumie.
Pa słovach Hajeŭskaha, nasielnictva Biełarusi zaniepakojenaje raspaŭsiudžvańniem virusa ŭ śviecie.
«Dla ludziej ciapier niama bolš značnaha strachu, čym Eboła. U ministerstva prychodziać listy ad hramadzian, jakija vykazvajuć sumnievy ŭ hatoŭnaści sistemy», - raspavioŭ jon.
Ciapier čytajuć
Łukašenka zajaviŭ pra hatoŭnaść pryjechać u Kijeŭ71
Kamientary