Upraŭleńniem Śledčaha kamiteta pa Hrodzienskaj vobłaści raspačataja kryminalnaja sprava ŭ dačynieńni da zahadčyka adździaleńnia Vaŭkavyskaj centralnaj rajonnaj balnicy. Jon padazrajecca ŭ atrymańni chabaru z dapamohaj miascovaha žychara.
Jak paviedamiŭ aficyjny pradstaŭnik USK pa Hrodzienskaj vobłaści Siarhiej Šaršanievič, ustanoŭlena, što słužbovaja asoba atrymała ŭ svaim słužbovym kabiniecie praz znajomaha 1 miljon rubloŭ ad miascovaj žycharki za afarmleńnie i vydaču lista ab jaje časovaj niepracazdolnaści pry adsutnaści miedycynskich padstaŭ.
Kryminalnaja sprava raspačataja pavodle vynikaŭ apieratyŭna-vyšukovych mierapryjemstvaŭ, praviedzienych upraŭleńniem pa baraćbie z ekanamičnymi złačynstvami UUS Hrodzienskaha abłvykankama.
Dziejańni zahadčyka adździaleńnia kvalifikavanyja na padstavie č. 1 art. 430 KK (atrymańnie chabaru), a jaho znajomaha — na padstavie art. 16, č. 1 art. 430 KK (dapamahańnie ŭ atrymańni chabaru). Abodva zatrymanyja. Nakładzieny aryšt na ich majomaść, u pryvatnaści aŭtamabili.
Praviarajecca infarmacyja ab sistematyčnaści atrymańnia niezakonnych uznaharodžańniaŭ zatrymanymi asobami.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty18
Kamientary