Sud u Kitai vynies rašeńnie, što były prafiesar Piekinskaha univiersiteta, krytyk palityki Kitaja ŭ dačynieńni da ujhurskaj mienšaści Ilcham Tachci praviadzie reštu žyćcia za kratami.
Pryčynaj takoha prysudu stali abvinavačvańni ŭ sieparatyźmie, navukoviec byŭ zatrymany ŭ studzieni razam ź siamiu svaimi vučniami.
Pa viersii ŭładaŭ, Tachci datyčny da dziejnaści pa źviaržeńni kitajskaha kiravańnia ŭ Sińczianie. Hetaja pravincyja źjaŭlajecca radzimaj dla kala vaśmi miljonaŭ ujhuraŭ, bolšaść ź jakich pavodle vieravyznańnia źjaŭlajucca musulmanami. Jany skardziacca na pieraśledy z boku Piekina.
Sam navukoviec na sudzie ŭ stalicy zachodniaj pravincyi Sińczian Urumčy zajaviŭ, što nie pryznaje svajoj viny, jaho advakat kaža, što «napeŭna budzie padavać apielacyju». ZŠA i Jeŭrasajuz zaklikali ŭłady Kitaja vyzvalić Ilchama Tachci.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary