Pajezdki ŭ minskim haradskim transparcie płanujuć zrabić bolš kamfortnymi
Pajezdki ŭ minskim hramadskim transparcie płanujuć zrabić bolš kamfortnymi. Heta praduhledžana płanam dziejańniaŭ Minharvykankama pa pavyšeńni jakaści raboty haradskoha pasažyrskaha transpartu na 2015-2020 hady, jaki ŭ chutkim časie budzie vyniesieny na abmierkavańnie.
Ab hetym paviedamiŭ dyrektar dziaržaŭnaj ustanovy «Staličny transpart i suviaź» Valeryj Škurataŭ.
«Adna z našych met — zrabić pajezdki ŭ hramadskim transparcie bolš kamfortnymi. Tak, budzie razhledžana pytańnie ab zakupkach niekalkich ruchomych sastavaŭ, abstalavanych kandycyjanierami. Zatym budzie praviedziena apytańnie nasielnictva. Mahčyma, haradžanie padtrymajuć prymianieńnie inšych techničnych rašeńniaŭ dla palapšeńnia vientylacyi ŭ sałonie», — skazaŭ Valeryj Škurataŭ.
Naprykład, zhodna z raniej praviedzienymi apytańniami, žychary Minska ličać, što vierchnija luki pry nieabchodnaści pavinny adkryvacca poŭnaściu, a fortki mieć bolšy pamier.
Bolš zručnymi dla pasažyraŭ płanujuć zrabić i prypynačnyja paviljony. Pavodle słoŭ Valeryja Škuratava, siońnia bolšaść haradžan syšlisia na dumcy, što kanstrukcyi na prypynkach drenna achoŭvajuć ad vietru, daždžu i śniehu. Dla taho kab vyrašyć hetu prablemu, u nastupnym hodzie DU «Staličny transpart i suviaź» vybiera raspracoŭščyka novych prypynačnych punktaŭ. Razhladajucca mahčymaści asnaścić kanstrukcyi takim sučasnym abstalavańniem jak tač-panel, pry dapamozie jakoj možna atrymać infarmacyju ab ruchu transpartu, sistemaj videanazirańnia, ustanavić bankamat abo infakijosk. Chutčej za ŭsio «asablivyja» paviljony ŭ jakaści ekśpierymientu ŭstanoviać u miescach z vysokim pasažyrapatokam.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje1
Kamientary