U punkcie propusku «Novaja Huta» pamiežnym naradam sumiesna z supracoŭnikami Homielskaj mytni ŭ aŭtobusie Minsk — Nikałajeŭ byŭ vyjaŭleny niezakonny hruz.
U spalnym pamiaškańni aŭtobusa, jaki nakiroŭvaŭsia ŭ Biełaruś, znojdziena 328 doz miedycynskaha preparata dla lačeńnia sustavaŭ koštam bolš za 510 miljonaŭ rubloŭ. Jak paviedamiŭ pres-sakratar Homielskaj pahraničnaj hrupy Dźmitryj Uklejka, vadziciel aŭtobusa, 40-hadovy hramadzianin Ukrainy, najaŭnaść niezakonnaha hruzu rastłumačyć nie zmoh. Miedycynski preparat byŭ kanfiskavany supracoŭnikami Homielskaj mytni.
Taksama 8 vieraśnia ŭ punkcie propusku «Słaviečna» pahraničnym naradam sumiesna z supracoŭnikami Homielskaj mytni ŭ ciahniku Kišynioŭ — Sankt-Pieciarburh, jaki ruchaŭsia ŭ Biełaruś, byŭ vyjaŭleny biezhaspadarny hruz. U adnym z vahonaŭ z boku rabočaha tambura ŭ technałahičnaj nišy było schavana 55 butelek kańjaku, a taksama 100 štuk kańjačnych korkaŭ. Pravadnik vahona, 46-hadovy hramadzianin Małdovy, najaŭnaść biezhaspadarnaha hruzu rastłumačyć nie zmoh. Niezakonny kańjak na 7,6 młn rubloŭ kanfiskavany supracoŭnikami Homielskaj mytni.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary