Videa 1995 hoda, u jakim Džachar Dudajeŭ analizuje dziejańni Rasii ŭ Čačni, a taksama raskazvaje pra taktyku dziejańnia rasijskaha ŭrada i śpiecsłužbaŭ u dačynieńni da susiednich dziaržaŭ, u jakich patrebna destabilizavać situacyju z metaj pašyreńnia svajho ŭpłyvu i zachopu terytoryj.
«Rasija źbiraje bandy kryminalnikaŭ z usioj krainy, nazyvaje ich «apazicyjaniery», uzbrojvaje ich da zuboŭ, płacić im vializnyja hrošy, spuskaje na heta nieźličonyja srodki, jakija narmalnamu čałavieku niemahčyma ŭjavić. Tanki, BTRy, samaloty, Śmierčy, Urahany, kryminał, padrychtoŭka ich na terytoryi Rasii, na śpiecyjalnych bazach, vajennyja śpiecyjalisty Rasii, śpiecsłužby Rasii», – tak Dudajeŭ charaktaryzuje ŭtvareńnie prarasijskaha błoku ŭ Čačni ŭ pačatku dzievianostych.
Asabliva Džachar Musajevič nadaje ŭvahu rasijskaj ideałohii: «Zvyčajny rusizm. Rusizm strašniejšy za fašyzm, nacyzm, rasizm — usie čałaviekanienaviśnickija ideałohii, uźviedzieny ŭ ranh vyšejšaj dziaržaŭnaj palityki Rasii».
Taksama pieršy prezident Čačenskaj Respubliki Ičkieryja daje apisańnie źniešniaj palityki Rasii: «Usiu historyju Rasii jana vybiraje samuju biezdapamožnuju achviaru. Na poŭnaje fizičnaje vyniščeńnie i realistyčnaje zapałochvańnie śvietu: voś jakija my, maŭlaŭ, dužyja, mocnyja, što my možam, jakija my kavarnyja, złyja, drapiežnyja».
«Takaja Rasija – impieryja zła, jak była, jość i zastajecca», – padsumoŭvaje Džachar Dudajeŭ.
Kamientary