Biełaruś zacikaŭlena ŭ narmalizacyi stanovišča va Ukrainie. Pra heta zajaviŭ Alaksandr Łukašenka siońnia na sustrečy z prezidentam Ukrainy Piatrom Parašenkam.
Vitajučy ŭkrainskaha hościa, Alaksandr Łukašenka padkreśliŭ, što Piatro Parašenka nie adnojčy naviedvaŭ Biełaruś jašče budučy ŭ raniejšych pasadach. «Užo paśla abrańnia vas prezidentam u nas adbyŭsia karotki dyjałoh, ale pryncypovy i vielmi važny. I ja pra heta siońnia skažu, bo zanadta šmat havorać pra sustreču i pra toje, što niechta sabie pijar-kampaniju robić», — skazaŭ Łukašenka.
«Heta była vaša prapanova sabracca biez usialakaha tam navału, biez buchty-barachty prymać rašeńni paśla zaklučeńnia pahadnieńnia ab asacyjacyi Ukrainy ź ES, razabracca ŭ situacyi. Voś i ŭvieś pijar. Heta była prapanova prezidenta Ukrainy, vy mianie paprasili davieści heta da maich kaleh. Ja byŭ vykanaŭcam. Ja ŭsio zrabiŭ dla taho, kab davieści da ich vaš punkt hledžańnia, i voś — adpaviednaja reakcyja z boku členaŭ Mytnaha sajuza», — adznačyŭ kiraŭnik dziaržavy.
Jon jašče raz padkreśliŭ: «Kali b nie było vašaj voli, i navat u apošnija dni my pra heta z vami časta havaryli pa telefonie, nie było b siońnia hetaj sustrečy.
Heta śviedčyć ab tym, što Ukraina vielmi zacikaŭlena, kab na ŭkrainskaj ziamli, u centry Jeŭropy była narmalnaja situacyja i stanovišča, a ŭ Biełarusi tym bolš u hetym zacikaŭlenyja. Vy viedajecie našu pazicyju».
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty18
Kamientary