Nabyli moc pastanovy ekanamičnaha suda Minska ŭ dačynieńni da indyvidualnaha pradprymalnika i fizičnaj asoby, jakim inkryminavałasia ŭčynieńnie administracyjnych pravaparušeńniaŭ (nabyćcio tavaru z parušeńniem ustanoŭlenaha zakanadaŭstvam paradku i niezakonnaja pradprymalnickaja dziejnaść adpaviedna).
Jak paviedamili ŭ Dziaržaŭnym pahraničnym kamitecie Biełarusi, biełaruskija pamiežniki pavodle apieratyŭnaj infarmacyi va ŭzajemadziejańni z supracoŭnikami padatkovaj inśpiekcyi pa Minskaj vobłaści, ABEZ Minskaha RUUS vyjavili kanał niezakonnaj pastaŭki składanabytavoj techniki z krain Jeŭrasajuza ŭ Biełaruś, arhanizavany hramadzianami.
«Biźnies» ažyćciaŭlaŭsia pa nastupnaj schiemie: tavar pieramiaščaŭsia praź biełaruskuju miažu fizičnymi asobami ŭ Brest i Hrodna, dzie farmiravalisia drobnaaptovyja partyi. Dalej techniku pieravozili ŭ stalicu na nielehalnyja składy, dzie kamplektavali ŭ bujnyja kamiercyjnyja partyi dla nastupnaj realizacyi praz roźničnuju handlovuju sietku. Adpaviedna, dakumienty, jakija śviedčać lehalnaść nabyćcia tavaru, adsutničali.
Tak, 3 červienia pa piaci minskich adrasach pravaachoŭniki kanfiskavali 380 adzinak techniki (varačnyja paneli, pasudamyječnyja mašyny, duchavyja šafy, vyciažki, televizary, pryntary, hulniovyja prystaŭki, płanšety). Suma acenki tavaru skłała bolš za 3 młrd. 425 młn rubloŭ.
Akramia kanfiskacyi ŭsioj partyi techniki sud pastanaviŭ vypłacić dvum uładalnikam TMC (fizičnaja asoba i indyvidualny pradprymalnik) štrafy ŭ pamiery 750 tysiač rubloŭ i 3,750 młn rubloŭ adpaviedna.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert3
Kamientary