Alaksandr Łukašenka daručyŭ Kamitetu dziaržaŭnaha kantrolu kantralavać farmiravańnie taryfaŭ na elektraenierhiju. Takuju zadaču jon pastaviŭ siońnia ŭ čas naviedvańnia Biarozaŭskaj DRES.
Kiraŭniku dziaržavy było dałožana ab vykanańni jaho daručeńniaŭ pa raźvićci Biełaruskaj enierhietyčnaj sistemy. Pavodle słoŭ ministra enierhietyki Uładzimira Patupčyka, u vyniku madernizacyi Biełaruskaj enierhietyčnaj sistemy ekanomija hazu skłała 2,058 młrd kub.m, što ekvivalentna ekanomii $650 młn. Pavodle jaho słoŭ, pryniatyja miery dajuć mahčymaść z 2015 hoda štohod ekanomić 1,130 młrd kub.m hazu, što ekvivalentna $260 młn.
Uładzimir Patupčyk adznačyŭ, što pry canie na haz u 1,7 raza vyšejšaj, čym u Rasii, u Biełarusi jość adnolkavy sabiekošt pa vypracoŭcy elektryčnaj i ciepłavoj enierhii. U toj ža čas pry adnolkavym sabiekošcie taryfy dla realnaha siektara ekanomiki ŭ Biełarusi vyšejšyja. Pavodle słoŭ ministra, takaja situacyja składvajecca z-za pierakryžavanaha subsidziravańnia, u ramkach jakoha taryfy dla nasielnictva ŭ 5 razoŭ nižejšyja, čym u Rasii. Uładzimir Patupčyk źviarnuŭ uvahu na toj fakt, što ŭ 2014 hodzie ŭ krainie ŭpieršyniu za ŭsiu historyju pajšli na źnižeńnie taryfaŭ dla realnaha siektara ekanomiki. U biahučym hodzie abjom pierakryžavanaha subsidziravańnia źmienšyŭsia na $250 młn.
«Treba ŭvažliva pahladzieć, — skazaŭ Łukašenka, źviartajučysia da pieršaha namieśnika staršyni Kamiteta dziaržkantrolu Leanida Anfimava, - u nas pryvykli: voś my narod zabiaśpiečvajem, tamu ŭ nas drenna, realny siektar kulajecca».
«Treba surjozna pahladzieć i pa inšych pytańniach», — dadaŭ jon.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary