Daradca Avakava: Pucin adkaža za heta pierad mižnarodnym trybunałam
Daradca kiraŭnika MUS Ukrainy Anton Hieraščanka rekanstrujuje łancužok trahičnych padziej, jakija adbylisia 17 lipienia, i rezka vykazvajecca ŭ adras rasijskaha kiraŭnictva.
«Pucin i jaho klika zrazumieŭšy, što ździejśnili akt mižnarodnaha teraryzmu, spachapilisia i pačali zapuskać dezynfarmacyju pra toje, što hramadzianski samalot nibyta źbiła ŭkrainskaja armija, jakaja pierakinuła na dniach dyvizijon «Bukaŭ»pad Danieck.
Adnak tut schłusić i padmanuć ŭvieś śviet užo nie atrymajecca! — piša Hieraščanka ŭ svaim Facebook. — Nami zafiksavany fakt najaŭnaści ŭ terarystaŭ ŭstanoŭki «Buk», jakaja była siońnia zafiksavana ŭ rajonie haradoŭ Tarez i Śniežnaje.
Zabrachalisia spadary sponsary mižnarodnaha teraryzmu!
ZRK «Buk» maje maksimalnuju dalokaść papadańnia — 25—30 kiłamietraŭ.
Ad Daniecka da Tareza — 70 kiłamietraŭ.
A da Śniežnaha — 80 km.
Tamu nijakim čynam našy vajskoŭcy na mahli źbić pasažyrski samalot.
Heta zrabili terarysty, jakim Pucin łaskava ŭručyŭ takuju lutuju zbroju, jak ZRK «Buk» dla abarony ad ukrainskich VPS.
Jany dumali, što stralajuć pa ŭkrainskim vajennym samalocie, zahubili amal trysta ni ŭ čym nie vinavatych žycharoŭ Jeŭropy i Azii!
Pucin daŭ małpam hranatu i pavinien budzie adkazać za heta pierad mižnarodnym trybunałam!
Nižej chronika siońniašnich padziej u Tarezie i Śniežnym, jakija papiaredničali trahiedyi.
10.00: u Śniežnym źjavilisia 5 tankaŭ ź biełymi ściahami i nadpisami «Opłot». Bajeviki, jakija jechali na technicy, abmatali hałovy biełymi paviazkami.
12.00: z boku Šachciorska pa Tarezu prajechała ŭstanoŭka SPA. Miascovyja žychary apaznali ŭ joj «BUK».
13.00: Try tanki z nadpisami «Vostok» i braniravany KamAZ ź ludźmi i zienitki na borcie prajechali pa centry Tareza ŭ bok Śniežnaha.
15.00: tanki ź biełymi ściahami vyjšli z centra Śniežnaha ŭ rajon kalca na ŭjeździe. Tanki, što prajechali praz Tarez, taksama zaśviacilisia ŭ centry horada.
15.20: 4 tanki «Vostok», Urał, KamAZ ź zienitkaj i žoŭty aŭtobus z bajevikami, čorny džyp z čyrvonymi numarami vyjechali ź Śniežnaha i praz Toriez pajechali ŭ bok Šachciorska.
16.20: U rajonie pasiołka Hrabava ŭ Tarezie puskam rakiety z ZRK «Buk» byŭ źbity pasažyrski samalot kampanii «Malaysia Airlines», jaki rabiŭ rejs Kuała-Łumpur—Amsterdam.
Łajnier lacieŭ na vyšyni kala 10 kiłamietraŭ, kali terarysty vykarystali ZRK «Buk».
Terarysty paćvierdzili fakt papadańnia rakiet ŭ samalot, nazvaŭšy jaho ANam, a nie Boinham».
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary