Ipateka ŭ Biełarusi zapracuje ŭ poŭnym abjomie sioleta. Takoje mierkavańnie vykazała siońnia žurnalistam staršynia praŭleńnia Nacyjanalnaha banka Nadzieja Jermakova na vyjaznym pasiadžeńni ŭ Biešankovičach.
Biełarusi nieabchodna adychodzić ad ilhotnaha kredytavańnia ŭ žyllovym budaŭnictvie. Dziaržava davała i budzie davać ilhotnyja ŭmovy kredytavańnia siemjam z tryma i bolš dziećmi. Usie astatnija, chto nie padpadaje pad dziejańnie adpaviednaha ŭkaza prezidenta, znachodziacca ŭ roŭnych umovach.
«Maładyja siemji i staryja siamji — heta ŭsio roŭna siamji. Jość takija, jakija vyhadavali ŭnukaŭ u internatach i taksama majuć patrebu ŭ padtrymcy. Ale ad ilhotnych kredytaŭ nam treba sychodzić, - pierakananaja staršynia praŭleńnia Nacbanka.
- My ciapier raspracoŭvajem sistemy budźbieražeńniaŭ, mnohija prosiać ipateku. Miarkuju, jana zapracuje ŭ poŭnym abjomie ŭ hetym hodzie», — skazała Nadzieja Jermakova, padkreśliŭšy, što zakład nieruchomaści pry budaŭnictvie žylla vykarystoŭvajecca va ŭsim śviecie.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary