U Pałanzie, jak u Hiermanii, nie zastaniecca adpačyvalnikaŭ u dziunach?

Pałanhskija plažy štohod «padrazaje» Bałtyjskaje mora, tamu na ich užo 4 razy pryvozili novy piasok. U hetym hodzie plaž nie źmianiŭsia. Ale heta nie značyć, što stan ŭźbiarežža stabilizavaŭsia. Navukoŭcy bačać i inšuju prablemu — na vytaptanych adpačyvalnikami dziunach nie raście raślinnaść, tamu ich chutka rujnujuć viatry. Z hetaj pryčyny pryrodaachoŭniki vyrašajuć pytańnie, ci treba aharadzić dziuny i zabaranić ludziam chadzić tudy.

Centralnyja plažy Pałanhi pieražyvajuć nie lepšyja časy, ličyć pradstaŭnik kafiedry hieafizičnych navuk Kłajpiedskaha ŭniviersiteta Edvardas Vałajcis. Tamu ich užo 4 razy papaŭniali piaskom.

Ale nie treba dumać, što vysypany na bierazie piasok zastajecca tam. Śpiecyjalist skazaŭ, što mora pieranosić jaho ŭ inšyja miescy, na poŭnač ad taho miesca, dzie vysypajuć piasok.

Pa słovach Vałajcisa, u hetym hodzie pryvozić piasok na mora nie pryjšłosia, pakolki apošnija dźvie zimy nie naziralisia mocnych buraŭ. Akramia taho, piasok chutčej vymyvaŭsia b z-za pavyšeńnia ŭzroŭniu vady ŭ mory.

Śpiecyjalist adznačyŭ, što nie ŭsie plažy ŭ Litvie zvužajucca, u Šviantoi, naprykład, kolkaść piasku z kožnym hodam raście. Ale heta nie raduje, pakolki davodzicca pahłyblać port.

Vałajcis adznačyŭ, što ŭ budučyni čakajuć jašče vialikija prablemy ź plažami. Pavodle jaho słoŭ, kali pa-raniejšamu budzie naziracca paciapleńnie, to ŭzrovień vady ŭ Bałtyjskim mory padymiecca na mietr, tady my možam zastaniecca bieź dziunaŭ, a vada budzie padtaplać vulicy i kanalizacyi Pałanhi i Kłajpiedy.

Pryrodaachoŭniki adznačajuć, što pra dziuny pakłapacicca treba ŭžo zaraz, pakolki ich stan vyklikaje niepakoj. Vałajcis zaŭvažyŭ, što častka piasku, pryviezienaha na plažy, trapiła ŭ dziuny.

Śpiecyjalist skazaŭ, što ludzi, jakija chodziać pa dziunach, spryjajuć ich źniščeńniu. Pavodle jaho słoŭ, u Hiermanii jość miescy ŭ dziunach, kudy ludzi chadzić nie mohuć. Jon adznačyŭ, što takoje varta praktykavać i ŭ Litvie.

«Padčas bur najbolš uraźlivyja tyja miescy, pa jakich chodziać ludzi. Kali pamienšyć nahruzku na dziuny, to sfarmujecca raślinnaje pokryva, jakoje palepšyć stabilnaść», — rastłumačyŭ śpiecyjalist

Pradstaŭnik pałanhskaj meryi Reda Kajrenie skazała, što pakul nie płanujuć abmiažoŭvać dostup adpačyvalnikaŭ da dziunaŭ, ale kali situacyja budzie paharšacca, to hetuju ideju realizujuć.

«Siońnia varyjant zabarony nie abmiarkoŭvajecca. Situacyja jašče nie nastolki drennaja. Zabarona budzie ŭviedzienaja tolki ŭ ekstremalnaj situacyi. I ŭsio ž takaja miera mahčymaja i ŭ budučyni moža razhladacca», — skazała Kajrenie.

• 0
• 0
• 0
• 0
• 0
• 0
• 0
• 0