Ministr zamiežnych spraŭ Rasii Siarhiej Łaŭroŭ zajaviŭ, što kryzis va Ukrainie moža być vyrašany tolki šlacham pramych pieramoŭ ab budučym dziaržaŭnym ładzie krainy, a padparadkavać paŭdniovy ŭschod Kijevu nie ŭdasca.
Takoje mierkavańnie jon vykazaŭ padčas pres-kanfierencyi ŭ Jerevanie.
«Kraina pieražyvaje hłyboki kryzis dziaržaŭnaści, i padavić adnu častku krainy, padparadkavać jaje voli inšaj nie ŭdasca. A kali atrymajecca, to nie dazvolić dasiahnuć ustojlivaha rehulavańnia», — zajaviŭ Łaŭroŭ.
Pavodle jaho słoŭ, tolki pramyja pieramovy zmohuć «zabiaśpiečyć taki dziaržaŭny ład Ukrainy, jaki dazvolić harantavać roŭnyja pravy i svabody hramadzianam va ŭsich rehijonach krainy».
Kiraŭnik viedamstva padkreśliŭ, što Rasija praciahvaje damahacca pačatku ahulnanacyjanalnaha dyjałohu, a taksama ŭnosić u hetyja namahańni «niepasredny i zacikaŭleny uniosak».
Jon adznačyŭ, što vyratavańnie žyćciaŭ ludziej, a taksama rasijskich žurnalistaŭ źjaŭlajecca dla Rasii pryjarytetnym.
Łaŭroŭ taksama prakamientavaŭ pytańnie žurnalistaŭ pra suviazi pamiž niekatorymi pradstaŭnikami rasijskich palityčnych kołaŭ i kiraŭnictvam samaabvieščanych Danieckaj i Łuhanskaj respublik.
Ministr patłumačyŭ heta najaŭnaściu ahulnych karanioŭ — «kala 90% isteblišmientu vyjšła z adnoj krainy — Savieckaha Sajuza».
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary