Vice-prezident ZŠA Džo Bajden zajaviŭ, što ZŠA razam z astatnimi členami «Vialikaj siamiorki» pracujuć nad novymi ekanamičnymi sankcyjami suprać Rasii na vypadak, kali Maskva nie zrobić krokaŭ pa deeskałacyja kanfliktu na paŭdniovym uschodzie Ukrainy.
Pra heta Bajden paviedamiŭ prezidentu Ukrainy Piatru Parašenku padčas telefonnaj razmovy.
Pa słovach vice-prezidenta ZŠA, novyja sankcyi buduć uviedzienyja, kali Maskva nie raspačnie dziejańniaŭ pa spynieńni pastavak zbroi na ŭschod Ukrainy i pierachodu bajevikoŭ praź miažu.
Taksama Bieły dom čakaje, što Maskva prymienić svoj upłyŭ i publična «zakliča sieparatystaŭ skłaści zbroju».
Parašenka, u svaju čarhu, prainfarmavaŭ Bajdena, što sieparatysty, jakija padtrymlivajucca Rasijaj, praciahvajuć atakavać ukrainskija vojski, uklučajučy artyleryjskija abstreły, paśla abviaščeńnia pra spynieńnie ahniu».
Pavodle infarmacyi pres-słužby Parašenka paviedamiŭ vice-prezidentu ZŠA ab dziasiatkach faktaŭ parušeńnia režymu spynieńnia ahniu z boku sieparatystaŭ, u pryvatnaści, pra abstreł pazicyj ukrainskich vajskoŭcaŭ.
U piatnicu ŭkrainski prezident Piatro Parašenka abviaściŭ pieramirje, zaznačyŭšy, što siłaviki ŭ adnabakovym paradku na tydzień spyniajuć śpiecapieracyju na paŭdniovym uschodzie krainy, kab dać mahčymaść sieparatystam skłaści zbroju.
Pieramirje ŭstupiła ŭ siłu ŭ piatnicu 20 červienia, u 22:00 pa kijeŭskim časie i budzie doŭžycca da 27 červienia.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary