Lidar «Pravaha siektara», kandydat u prezidenty Ukrainy Dźmitryj Jaraš nie vyklučaje abjadnańnia z partyjaj «Svaboda» i ŭvachodžańnia ŭ siłavyja struktury paśla vybaraŭ.
Pra heta jon zajaviŭ u efiry prahramy «Šuster Live» u sieradu ŭviečary.
«Nie vyklučana, što «Pravy siektar» pojdzie ŭ struktury ŭłady ŭ toj čas, kali jość ahresija Rasiei, nas by cikaviŭ siłavy błok, nie abaviazkova mnie zajmać niejkuju pasadu, my možam rekamiendavać niejkich ludziej va ŭładu — mienavita dla taho, kab pravieści radykalnuju reformu Ministerstva ŭnutranych spraŭ, kab pavysić abaronnuju moc Uzbrojenych sił Ukrainy», — paviedamlaje Interfaks-Ukraina.
Jon dadaŭ, što ŭsio budzie zaležać ad taho, jakaja kamanda budzie vyvodzić Ukrainu z kryzisu paśla vybaraŭ prezidenta Ukrainy.
«Na hetym etapie heta mahčymy varyjant, ale treba hladzieć, jaki budzie premjer-ministr, jakaja budzie kamanda, jakaja budzie prahrama dziejańniaŭ, i nakolki našy prahramnyja pryncypy buduć adpaviadać pryncypam novaha ŭrada, jaki budzie vyvodzić Ukrainu z taho stanu, u jakim jana jość ciapier», — rastłumačyŭ Jaraš.
Jon taksama dapuściŭ mahčymaść źlićcia z partyjaj «Svaboda», paviedamlajuć Ukrainskija naviny.
«Ja nie vyklučaju, što i «Svaboda», i «Pravy siektar» mohuć u budučyni stać adnoj palityčnaj siłaj. Prynamsi, u nas niama niejkich varožych adnosin, i my možam u pierśpiektyvie razhladać lubyja kanstrukcyi palityčnyja i partyjnyja», — skazaŭ jon.
Jaraš adznačyŭ, što ŭ «Pravaha siektara» niama asablivych razychodžańniaŭ sa «Svabodaj», akramia pytańnia ŭdziełu Ukrainy ŭ ekanamičnych sajuzach z zamiežnymi dziaržavami i arhanizacyjami i pytańnie «hvałtoŭnaj ukrainizacyi».
Pry hetym jon adznačyŭ, što «Pravy siektar» nie ŭsprymaje peŭnyja zajavy (deputata Viarchoŭnaj Rady ad frakcyi «Svaboda») Iryny Faryon, tamu što ŭ šerahach «Pravaha siektara» jość vielmi šmat ruskamoŭnych hramadzian, jakija pryznajuć ukrainskuju adzinaj dziaržaŭnaj movaj.
Razam z tym jon paviedamiŭ, što ličyć nieabchodnaj pracu ŭ tym kirunku, kab nacyjanalistyčny ruch byŭ całkam adzinym.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary