Bolš za 70 viadomych hramadzian Biełarusi padpisali pradstaŭleńnie pa reabilitacyi Łarysy Hienijuš i adpravili ŭčora hienprakuroru.
Bolš za 70 viadomych hramadzian Biełarusi padpisali pradstaŭleńnie pa reabilitacyi Łarysy Hienijuš
1 listapada na imia Hienieralnaha prakurora Respubliki Biełaruś Piatra .Mikłaševiča Arhkamitetam pa ušanavańni achviaraŭ stalinskich represij, Sajuzam biełaruskich piśmieńnikaŭ, RPHA «Biełaruski Chielsinkski Kamitet» było nakiravana pradstaŭleńnie pa reabilitacyi viadomaj biełaruskaj paetki Łarysy Hienijuš.
Heta pradstaŭleńnie padpisali akademik NAN Biełarusi Radzim Harecki, historyk Ihar Kuźniacoŭ, piśmieńniki Vasil Jakavienka, Aleś Paškievič, Nił Hilevič, pravaabaroncy Taciana Proćka, Hary Pahaniajła i jašče bolš za 70 viadomych hramadzian Biełarusi.
Z 1937 h. Łarysa Antonaŭna žyła ŭ Čechasłavakii, mieła hramadzianstva hetaj krainy. Adnak u 1948 h. pa zahadzie Maskvy jana była repatryjavana ŭ SSSR, dzie jaje aryštavali i asudzili na 25 hadoŭ za «dapamohu mižnarodnaj buržuazii ŭ ažyćciaŭleńni varožaj dziejnaści suprać SSSR» i «kontrrevalucyjnuju dziejnaść».
Imia Łarysy Hienijuš staić poruč ź imionami Kupały i Kołasa, Ciotki i inšych viadomych dziejačoŭ biełaruskaj kultury. Pra vysakarodnaść jaje dumak i pačućciaŭ śviedčać jaje knihi «Nievadam ź Niomana», «Na čabary nastojena» i inš. Pa matyvach aŭtabijahrafičnaj knihi «Spoviedź» na kinastudyi «Biełaruśfilm» źniaty mastacki film «Ptuški biez hniozdaŭ», pastaŭleny śpiektakl «Bieły son». Na studyi «Letapis» pra Łarysu Antonaŭnu źniaty dakumientalny film «Vianok ciarnovy vasilkoŭ». U rajonnych centrach Zelva i Staryja Darohi joj pastaŭleny pomniki.
Maksim Tank pisaŭ: «Vieršy Łarysy Hienijuš nie tolki vydatnyja. Jany spałučajuć u sabie spradviečny bol naroda i bol čałavieka, jaki prajšoŭ praź piakielnyja vyprabavańni žyćcia, čaho ŭ našy časy nie ŭdavałaś navat mnohim śviatym».
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary