Prezident Rasii vyjaviŭ u dziejnaści najbujniejšaha rasiejskaha paštovaha servisu i pašukavika «Jandeks» zachodnija ŭpłyvy.
Zajava prahučała na miedyjaforumie ŭ Sankt-Pieciarburhu, arhanizavanym «Ahulnarasijskim narodnym frontam» (ONF), lidaram jakoj źjaŭlajecca Uładzimir Pucin, piša «Interfaks».
Pavodle jaho słoŭ, kali «Jandeks» tolki pačynaŭ svaju pracu, na jaho stvaralnikaŭ nacisnuli, vymusiŭšy pryznačyć u kirujučyja orhany peŭnuju kolkaść jeŭrapiejcaŭ i amierykancaŭ. Prezident Rasii adznačyŭ, što, choć pošukavik źjaŭlajecca rasijskaj nacyjanalnaj pošukavaj sistemaj, častkova jon zarehistravany za miažoj, pryčym «nie tolki ŭ metach padatkaabkładańnia, ale i pa inšych mierkavańniach». Pra što mienavita idzie havorka, Pucin nie patłumačyŭ.
Zajavy prahučali ŭ adkaz na pytańnie adnaho z udzielnikaŭ forumu. Toj źviarnuŭ uvahu na dvaistaść «Jandeksa», adznačyŭšy, što, z adnaho boku, heta pošukavik, a z druhoha — ŚMI. Na jaho dumku, «Jandeks», składajučy top-5 top-navinaŭ, farmuje karcinu dnia dla dziasiatkaŭ miljonaŭ čałaviek i pry hetym nie maje licenzii ŚMI i, takim čynam, nie niasie nijakaj adkaznaści pierad zakonam.
Razvažajučy ab internecie i infarmacyjnaj biaśpiecy, prezident Rasii adznačyŭ, što internet byŭ stvorany jak śpiecprajekt CRU. Amierykancy, pa jaho słovach, imknucca ŭtrymać manapoliju ŭ hetaj śfiery, ale ŭ sučasnym śviecie heta niemahčyma.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary