Palicyja tureckaj stalicy ŭžyła vadamioty i ślezaciečny haz dla razhonu udzielnikaŭ pikietu la budynka Vyšejšaha savieta pa vybarach (Centrvybarkama) Turcyi. U ciapierašni čas kala ŭvachodu ŭ budynak zastajucca niekalki ŭzvodaŭ palicejskaha śpiecnaza i mašyny, abstalavanyja vadamiotami.
Pikiet kala Centrvybarkama byŭ vystaŭleny pratestujučymi minułym viečaram. Bolš za sotniu čałaviek pryjšli, kab apratestavać papiarednija vyniki municypalnych vybaraŭ i vyniki hałasavańnia pa kandydatach na pasadu kiraŭnika stalicy. Udzielniki akcyi, jakija čakajuć aficyjnych vynikaŭ pieraliku biuleteniaŭ i abjavy vynikaŭ hałasavańnia, naładzili paźmiennaje dziažurstva na praciahu nočy. Pieravažnaja bolšaść manifiestantaŭ — prychilniki apazicyjnaj Narodna-respublikanskaj partyi, čyj kandydat Mansur Javaš prajhraŭ dziejučamu meru usiaho kala adnaho adsotka.
Da ciapierašniaha momantu situacyja narmalizavałasia, palicyja vystaviła na padychodzie da Centrvybarkamu kardony i kantraluje abstanoŭku. Miž tym, niekalki dziesiatkaŭ aktyvistaŭ, adciaśnienyja palicyjaj, praciahvajuć skandavać antyŭradavyja łozunhi i patrabavać pieraliku hałasoŭ, ale ahresiŭnych krokaŭ nie robiać.
Sam Javaš padčas pres-kanfierencyi źviarnuŭsia da ŭdzielnikaŭ pikietu, zajaviŭšy, što «ciapier la budynku Centrvybarkamu rabić niama čaho», a treba spačatku dačakacca vynikaŭ razhladu aficyjnaha pratestu, padadzienaj NRP ŭ rehijanalnyja vybarkamy.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»29
Kamientary