Žychary Kryma buduć zabiaśpiečanyja čystaj pitnoj vadoj, zajaviŭ premjer RF Dźmitryj Miadźviedzieŭ na arhanizavanaj u Krymie naradzie.
«My znojdziem usie mahčymyja sposaby, kab našy hramadzianie ŭ Krymie i Sievastopali byli zabiaśpiečanyja čystaj presnaj vadoj», — skazaŭ Miadźviedzieŭ, jakoha cytuje ITAR-TASS.
U ciapierašni čas vodazabieśpiačeńnie Kryma ažyćciaŭlajecca vadoj z Dniapra praz paŭnočna-krymski kanał, znos jakoha dasiahaje 80%.
Pa słovach Miadźviedzieva, vyrašyć prablemu «možna za košt budaŭnictva vodapravoda z terytoryi Kubani, stvareńnia vadaschoviščaŭ na Tamanskim paŭvostravie, raspracoŭki padziemnych radoviščaŭ presnych vod u Džankojskim i Nižahorskim rajonie».
«Jość varyjant budaŭnictva zavoda pa apraśnieńni marskoj vady», — skazaŭ Miadźviedzieŭ.
Jon paabiacaŭ, što ŭrad «praanalizuje ŭsie varyjanty, abiare aptymalny abo niekalki aptymalnych i prystupić da realizacyi».
Miadźviedzieŭ taksama siońnia paŭtaryŭ, što Krym budzie zabiaśpiečany alternatyŭnymi krynicami elektrazabieśpiačeńnia.
«U vypadku lubych krytyčnych situacyj my zaŭsiody zmožam zabiaśpiečyć alternatyŭnymi krynicami enierhazabieśpiačeńnia paŭvostraŭ. Pierš za ŭsio, abaranić sacyjalna značnyja abjekty. U pryvatnaści razmova idzie ab mabilnych hazaturbinnych elektrastancyjach i inšych mahčymaściach, jakija na dadzieny momant stvoranyja», — skazaŭ jon.
Akramia taho, Rasija maje raspačać pabudovu mosta praz Kierčanski praliŭ.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary