Śledčy kamitet raskryŭ schiemu kradziažu srodkaŭ AAT «Biełšyna», jakaja funkcyjanavała pry dapamozie słužbovych asobaŭ pradpryjemstva i šerahu zarehistravanych u Rasii biznes-struktur.
Ahulnaja suma kradziažoŭ, jakaja vyjaŭlena ŭ chodzie rasśledavańnia, užo pieravysiła 1,5 miljarda rubloŭ. Pry hetym ŭ Śledčym kamitecie adznačajuć, što takija bujnyja kradziažy srodkaŭ maštabnaha pradpryjemstva ździajśnialisia pry niepasrednym udziele słužbovych asob AAT.
U ciapierašni čas u rasśledavańni fihuruje try rasijskija kampanii, jakija mieli damovy padradu abo pastaŭki z AAT «Biełšyna» i, atrymaŭšy ad jaje hrošy, nie vykonvali svaje abaviazalnictvy. Pry hetym, u jakaści prykryćcia dla hetych kampanii vykarystoŭvalisia biełaruskija biznesmieny i biełaruskija kampanii. Cikava taksama, što dla padmanu AAT «Biełšyna» vykarystoŭvalisia nazvy rasijskich kampanij, jakija dobra viadomyja na rynku i majuć ustojlivuju reputacyju.
Inšymi słovami, machlary rehistravali ŭ Rasii kampaniju z anałahičnaj abo padobnaj nazvaj, paśla čaho pačynali dziejničać.
Tak, pavodle dadzienych Śledčaha kamiteta, dyrektar minskaj kampanii «AtrPołSnab» pa zmovie sa słužbovymi asobami AAT «Biełšyna», vykarystoŭvajučy rekvizity zarehistravanaj u Maskvie TAA «Strojpolimier», zavałodaŭ hrašovymi srodkami biełaruskaha pradpryjemstva na sumu bolš za 500 miljonaŭ rubloŭ. Heta ŭ cenach 2011 hoda.
Anałahičnym sposabam pry dapamozie rekvizitaŭ zarehistravanaj u Smalensku TAA «AnVik» było vykradziena jašče kala 500 miljonaŭ rubloŭ. Jašče ŭ adnym epizodzie fihuruje treciaja rasijskaja kampanija, z anałahičnaj sumaj kradziažu, ale pakul śledčyja źbirajuć dokazy, tamu infarmacyja pra jaje nie vydajecca.
Adnak, kali padvieści rysu pad spravaj AAT «Biełšyna», to ŭžo siońnia śledčyja nazyvajuć jaje adnoj z samych znakavych pa maštabnaści i pa vykarystańni rasijskich struktur.
Kamientary