Pucin i Miadźviedzieŭ vyrašyli prypynić dapamohu Ukrainie da farmavańnia novaha ŭrada
Rasija adnović nadańnie Ukrainie «dapamohi ŭ finansavaj i enierhietyčnaj śfierach» užo paśla farmiravańnia ŭ Kijevie novaha ŭrada.
Takuju prapanovu rasijskaha premjera Dźmitryja Miadźviedzieva padtrymaŭ prezident Rasii Uładzimir Pucin.
Svaju prapanovu Miadźviedzieŭ ahučyŭ jak reakcyju na daručeńnie Pucina zabiaśpiečyć vykanańnie damoŭlenaściaŭ z Ukrainaj.
Premjer-ministr RF adznačyŭ, što hetuju pracu možna budzie rabić «tolki tady, kali budziem razumieć, jaki ekanamičny kurs budzie ŭ novaha ŭrada, chto budzie tam pracavać i jakich praviłaŭ jany buduć trymacca».
«Heta razumna, — pahadziŭsia ź im Pucin. — Davajcie dačakajemsia farmiravańnia novaha ŭrada Ukrainy».
Jak prykład, Miadźviedzieŭ pryvioŭ svaje asabistyja damoŭlenaści z eks-premjeram Ukrainy Mikałajem Azaravym pa płaciažach za haz.
Jon nahadaŭ, što Ukraina atrymała hrošy i niejkija pieravahi, ale, niahledziačy na adterminoŭki, Ukraina i ŭ hetym hodzie nie pačała pahašeńnia hazavaj zapazyčanaści, što składaje $2,7 młrd.
«Bolš za toje, znoŭ prosić adterminoŭku pa histaryčnaj zapazyčanaści i nie płacić biahučych płaciažoŭ», — skazaŭ Miadźviedzieŭ.
«Heta značyć, jany nie płaciać navat pa źnižanych cenach?» — pierapytaŭ Pucin.
«Navat pa źnižanych cenach jany nam kažuć, što jany nie zdolnyja płacić», — paćvierdziŭ Miadźviedzieŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary