Łukašenka: U nas nie zastałosia nivodnaha pytańnia da Rasii, usie prośby vyrašany
U nas nie zastałosia nivodnaj prośby da Rasieii, usie pytańni byli vyrašany ŭ časie rasijska-biełaruskaj sustrečy na najvyšejšym uzroŭni, zajaviŭ Alaksandr Łukašenka paśla pieramovaŭ u Maskvie. Pra heta paviedamlajuć z Maskvy infarmahienctvy.
«Siońnia možna z upeŭnienaściu skazać, što nie zastałosia nivodnaha pytańnia, jakoje my mahli b pastavić pierad našymi rasijanami, abo prośby, ź jakoj my mahli b źviarnucca da vas. My siońnia vyrašyli ŭsie pytańni napiaredadni novaha hoda», — zajaviŭ Alaksandr Łukašenka na supolnaj z Uładzimiram Pucinym pres-kanfierencyi pa vynikach pasiadžeńnia najvyšejšaj dziaržrady sajuznaj dziaržavy.
Nahadajem, što Uładzimir Pucin 25 śniežnia paviedamiŭ pra vydzialeńnie Biełarusi dadatkovaha kredytu na 2 miljardy dalaraŭ. Ni pra jakija ŭmovy vydačy hrošaj jon nie paviedamiŭ. Pazyka budzie na 10 hadoŭ.
Alaksandr Łukašenka vykazaŭ padziaku ŭradu Rasii. Jon zavieryŭ, što, niahledziačy na prablemy, abjom tavaraabarotu pamiž dźviuma krainami nie byŭ panižany «katastrafična». «Biez enierhietyčnaha składnika my navat dadali. I heta vielmi važna dla nas i dla rasijan, tym bolš dla Rasii. Heta pakazčyk, što nie tolki nafta i haz, jak tut mnohija razvažajuć, ale i realny siektar padymajecca», — adznačyŭ Łukašenka.
Padtrymka Rasii, skazaŭ jon, «nie budzie prosta tak prajedzienaja, jak heta časta havorać». «Pačynajučy ad finišnaj vytvorčaści vy, takim čynam, padtrymlivajecie i svaju ekanomiku, rasijskuju», — skazaŭ jon. «Chacieŭ by skazać niekatorym, jakija krytykujuć ŭ nas u Biełarusi za heta i rasijan u tym liku, što ni ŭrad Rasii, ni prezident, jakija ŭmiejuć dobra ličyć hrošy, ničoha prosta tak nie robiać», — skazaŭ Alaksandr Łukašenka.
«My zrabili jašče adzin krok da zapavietnaj mety — stvareńnia Jeŭrazijskaha ekanamičnaha sajuza», — skazaŭ Łukašenka.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja22
Kamientary