Jak sieryjał Black Books pieraŭtvaryŭsia ŭ «Kniharniu «łohvinaŬ» + sieryjał
U internecie źjaviłasia dziŭnaja viersija brytanskaha sieryjała Black Books — ź biełaruskimi subcitrami i biełaruskimi realijami.
Mahiloŭskaja supołka «Spajka Šva» pierastvaryła sieryjał pra handlara knihami Biernarda Błeka: ciapier hultai i raździaŭbai Biernard, Fren i Meni pieraŭtvarylisia ŭ Ihara Łohvinava, i jaho supracoŭnikaŭ Kasiu i Paŭło, u jakich možna ŭhadać Paŭła Kaściukieviča i Kaciarynu Pikireniu.
Karotki źmiest kožnaj sieryi vyhladaje pryblizna tak:
«Haradzieniec Ihar Łohvinaŭ zavioŭ kniharniu ŭ Minsku. Na padchopie jaho siabry Kasia i Paŭło. Realii čysta minskija, humar — čysta haradzienski. Paŭło hłytaje padšyŭku «Našaj Nivy» i traplaje na apieracyjny stoł, a Łohvinaŭ naŭmysna davodzić hopnikaŭ ź Sierabranki da rukaprykładstva, kab nie zapaŭniać padatkavaj dekłaracyi».
Darečy, mahiloŭskija žartaŭniki dobra viedajuć realii, u jakich pracuje «łohvinaŬ» — sieryjalnych hierojaŭ uvieś čas imknucca pazbavić licenzii.
Ahułam ŭ internecie źjaviłasia ŭžo vosiem sieryj «łohvinava».
Pavał Kaściukievič, art-dyrektar kniharni «łohvinaŬ» raskazaŭ «NN», jak sapraŭdnyja supracoŭniki kniharni daviedalisia pra sieryjał pra samich siabie.
«Siabry raptam masava pačali paraŭnoŭvać našy pavodziny ŭ kniharni z manierami hierojaŭ niejkaha anhlijskaha sieryjała. — kaža Kaściukievič. — A potym i spasyłku skinuli. Usie kažuć, što anhlijskija aktory padobna da nas. Nu, nie viedaju, — niaŭžo my takija raździaŭbai i pjaniuki?»
«Naša Niva»: Darečy, nakont padabienstva. Na vašuju dumku, chto z brytanskich piersanažaŭ najbližejšy da, tak by mović, aryhinała?
Pavieł Kaściukievič: Kaniečnie, nie ja! Naprykład, irłandziec Biernard, jaki «ŭvasablaje» haradzienca Łohvinava, ci Fren, jakaja hraje Kasiu. Ja nie padobny zusim.
«NN»: Licenzii hierojaŭ užo pazbaŭlali, kali nie pamylajusia za toje, što nie mohuć hrać patryjatyčnyja pieśni na rajali. Što pa łohicy, musić adbycca ŭ nastupnaj sieryi?
PK: Pakolki hieroi sieryjała bolšyja hultai i hulaki za nas, dumaju, što ničoha — buduć praciahvać toje što jany ŭmiejuć lepš za ŭsio — hultajavać i bankietavać. Chočacca vieryć, što ŭrešcie ŭ hierojaŭ sieryjała ŭsio budzie dobra.
Usie sieryi «Kniharni łohvinaŬ» možna pahladzieć tut.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj20
Kamientary