Uładzimir Kanaploŭ byŭ zatrymany na troje sutak pravaachoŭnymi orhanami?
12:51
Vice-prezident Nacyjanalnaha alimpijskaha kamiteta Uładzimir Kanaploŭ, zatrymany pravaachoŭnymi orhanami Biełarusi, praz troje sutak, na praciahu jakich pravodziłasia pravierka, vyjšaŭ na svabodu i viarnuŭsia da słužbovych abaviazkaŭ, paviedamlaje Priessboł.
Načalnik adździeła infarmacyi i suviazi z hramadskaściu Śledčaha kamiteta Biełarusi Pavieł Travulka zajaviŭ karespandentu «Priessboła»: «Kryminalnaj spravy ŭ dačynieńni da Kanaplova Uładzimira Mikałajeviča ŭ Śledčym kamitecie niama».
***
Adrazu dva vice-prezidenty Nacyjanalnaha alimpijskaha kamiteta — były i ciapierašni — zatrymanyja pravaachoŭnymi orhanami Biełarusi, paviedamiŭ Priessboł.
Rabotniki KDB pravodziać pravierku pa spravie ŭčorašniaha čynoŭnika arhkamiteta čempijanatu śvietu pa chakiei — 2014 Hienadzia Alaksienki i staršyni nacyjanalnaj fiederacyi handboła Uładzimira Kanaplova.
Načalnik adździeła infarmacyi i suviazi z hramadskaściu Śledčaha kamiteta Biełarusi Pavieł Travulka spačatku nie paćvierdziŭ, ale i nie abvierh infarmacyju ab zatrymańni, adnak praź niekatory čas vydaŭ vyraznuju farmuloŭku: «Kryminalnaj spravy ŭ dačynieńni da Kanaplova Uładzimira Mikałajeviča ŭ Śledčym kamitecie niama». Heta moža aznačać, što rasśledavańniem zajmajucca inšyja orhany.
U fiederacyi handboła paviedamili, što Kanaplova niama na miescy. Ale nie mohuć paćvierdzić albo asprečyć jaho zatrymańnie: sami pra heta pračytali tolki ŭ internecie.
Uładzimir Kanaploŭ — adzin z najbližejšych siabroŭ Alaksandra Łukašenki jašče sa Škłova.
Naradziŭsia ŭ 1954 u vioscy Akulincy Mahiloŭskaha rajona. Skončyŭ Mahiloŭski piedinstytut (hieafak). Pracavaŭ vychavalnikam, inśpiektaram pa spravach niepaŭnaletnich.
Doŭhi čas Uładzimir Kanaploŭ byŭ deputatam pałaty pradstaŭnikoŭ ad rodnaj, Škłoŭskaj akruhi. U 2004— 2007 byŭ śpikieram pałaty pradstaŭnikoŭ.
Zatym całkam zasiarodziŭsia na pracy ŭ handbolnaj fiederacyi, syšoŭ z pasady ŭ pałacie nibyta pa stanie zdaroŭja.
Žanaty, maje dvuch synoŭ, jakija taksama ŭ biznesie.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary