Pa vynikach dzieviaci miesiacaŭ rost zarabotnaj płaty ŭ Biełarusi pa-raniejšamu značna apiaredžvaje pradukcyjnaść pracy, havorycca ŭ ahladzie, padrychtavanym Ministerstvam ekanomiki.
U realnym vyražeńni, kanstatujuć śpiecyjalisty Minekanomiki, zarabotnaja płata vyrasła na 18,7% (prahnoz na 2013 hod — na 7,1%). Pry hetym u budaŭnictvie rost realnaj zarpłaty skłaŭ 33,9%, u sielskaj haspadarcy, palavańni i lasnoj haspadarcy — 23,2%; u handli — 22,4%; na transparcie i ŭ suviazi — 21,5%; u pramysłovaści — 17,4%.
«Pa-raniejšamu zachoŭvajecca značny razryŭ u tempach rostu pradukcyjnaści pracy i realnaj zarabotnaj płaty — 16,4 pracentnaha punkta ŭ studzieni—vieraśni 2013 hoda», — adznačajecca ŭ ahladzie Minekanomiki.
Pradstaŭniki Ministerstva ekanomiki kanstatujuć, što siaredniaja zarpłata ŭ cełym pa krainie skłała ŭ vieraśni 5 młn. 374,8 tys. rubloŭ (što ekvivalentna 593 dołaram ZŠA). U biudžetnym siektary siaredniaja zarpłata ŭ vieraśni skłała amal 4 młn. rubloŭ.
Pradstaŭniki Antykryzisnaha fondu JeŭrAzES, adkazvajučy na pytańni, zajavili na hetym tydni, što apieradžalny rost zarpłat i kredytnaja ekspansija źjaŭlajucca faktaram, jaki pryvodzić da paharšeńnia płaciežnaha bałansu Biełarusi.
«Hetyja dva pracesy nieabchodna staranna analizavać. Ciapier jany vyklikajuć tryvohu ŭ śpiecyjalistaŭ Antykryzisnaha fondu JeŭrAzES, pakolki nazvanyja pracesy pryvodziać da skaračeńnia kankurentnaj pieravahi, jakuju biełaruskaja pradukcyja maje na ekspartnych rynkach», — zajaviŭ na hetym tydni Siarhiej Šatałaŭ — namieśnik staršyni Jeŭrazijskaha banka raźvićcia (bank kiruje srodkami AKF JeŭrAzES).
Pradstaŭniki Mižnarodnaha valutnaha fondu, jaki taksama źjaŭlajecca adnym z asnoŭnych kredytoraŭ Biełarusi, rekamiendavali ŭ kastryčniku źnizić tempy rostu zarpłat u krainie.
«Paharšeńnie płaciežnaha bałansu vyklikanaje ŭ tym liku bolš chutkim rostam zarpłat i pavieličeńniem metavaha kredytavańnia. Tamu, kab vyrašyć prablemu, nieabchodna ŭžyvać kompleksny padychod, jaki pavinien nakiroŭvacca na žorstkaje kiravańnie ŭnutranym popytam», — zajaviŭ kiraŭnik misii MVF u Biełarusi Devid Chofman, adkazvajučy padčas pres-kanfierencyi 28 kastryčnika.
Biełaruskija ŭłady da hetaha času nie vyznačylisia z palitykaj zarpłat nasielnictva na 2014 hod.
Prahnoznyja dakumienty, u jakich pavinny być vyznačanyja paramietry rostu dachodaŭ nasielnictva ŭ nastupnym hodzie, dahetul nie pryniatyja.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada38
Kamientary