Samahubstva padpałkoŭnika KDB Kazaka lažyć u płoskaści psichałohii
U Śledčym kamitecie paviedamili, što zavieršana śledstva pa fakcie samahubstva padpałkoŭnika KDB Alaksandra Kazaka.
Prykmietaŭ hvałtoŭnaj śmierci nie ŭstanoŭlena. Pryčyny samahubstva lažać u płoskaści psichałohii», — paviedamiŭ načalnik adździełu infarmacyi i suviazi z hramadzkaściu Śledčaha kamiteta Biełarusi Pavał Traulka.
Jon dadaŭ, što nijakaj inšaj infarmacyi padavacca nie budzie ŭ źviazku z mahčymaj reakcyjaj rodnych.
Fakt śmierci padpałkoŭnika KDB Alaksandra Kazaka doŭhi čas chavali ad žurnalistaŭ. Spačatku infarmacyju pra jaho samahubstva nie paćviardžali ni ŭ KDB, ni ŭ Śledčym kamitecie.
Padpałkoŭnika KDB Alaksandra Kazaka znajšli zabitym u lesie. Pra heta paviedamili siabry kaapieratyvu indyvidualnych zabudoŭščykaŭ «Piejzaž» niepadalok ad Ždanovičaŭ.
Paśla hetaha, 9 listapada 2012 hoda, Alaksandr Łukašenka adpraviŭ u adstaŭku staršyniu KDB Biełarusi Vadzima Zajcava.
Heta adbyłosia ŭ adzin dzień z naradaj, na jakoj abmiarkoŭvałasia dziejnaść KDB. Tady pa vynikach narady tahačasny dziaržaŭny sakratar Savieta biaśpieki Biełarusi Leanid Malcaŭ adznačyŭ, što ŭ svaich vystupach hienprakuror i staršynia Śledčaha kamiteta pastavili šerah pytańniaŭ, u tym liku adnosna samahubstva padpałkoŭnika KDB Alaksandra Kazaka.
47-hadovy Alaksandr Kazak byŭ supracoŭnikam UKDB pa Minsku i Minskaj vobłaści, načalnikam Minskaha mižrajadździeła.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary