Pa stanie na 1 vieraśnia 2013 hoda na składach pramysłovych pradpryjemstvaŭ Biełarusi sabrałasia hatovaj pradukcyi na 28 trłn. 435,1 młrd. rubloŭ.
Jak paviedamlaje Biełstat, abjom nierealizavanaj pradukcyi skłaŭ 71,4% siaredniamiesiačnaha abjomu vytvorčaści, pamienšyŭšysia za žnivień na 3 pracentnyja punkty (dla paraŭnańnia: na 1 vieraśnia 2012 hoda hety pakazčyk składaŭ 49,8%). Da maja hetaha hoda naziraŭsia rost składskich zapasaŭ.
Najbolšyja suadnosiny zapasaŭ hatovaj pradukcyi i siaredniamiesiačnaha abjomu vytvorčaści skłalisia ŭ nastupnych vidach ekanamičnaj dziejnaści: «Vytvorčaść skury, vyrabaŭ sa skury i abutku» (293,4%), «Tekstylnaja i šviejnaja vytvorčaść» (180,2%), «Vytvorčaść mašyn i abstalavańnia» (180,6%).
U hornazdabyŭnoj pramysłovaści hety pakazčyk skłaŭ 13,1% (na 1 vieraśnia 2012 hoda — 12,6%), u apracoŭčaj — 80,5% (84%), u tym liku ŭ charčovaj pramysłovaści — 46,4% (50,6%), drevaapracoŭčaj halinie — 75,1% (83,8%), celułozna-papiarovaj halinie i vydavieckaj dziejnaści — 62,5% (69,3%).
U mietałurhičnaj vytvorčaści hety pakazčyk na 1 vieraśnia skłaŭ 76,3% (79,7%), u vytvorčaści elektraabstalavańnia, elektronnaha i aptyčnaha abstalavańnia — 114,3% (120,7%), transpartnych srodkaŭ i abstalavańnia — 146,9% (146,7%).
Kamientary