Milicyjantam zabaranili kuryć u formie i ŭ budynkach milicyi
Takaja norma ŭtrymlivajecca ŭ novym zahadzie MUS.
Dakumient maje nazvu «Ab papularyzacyi zdarovaha ładu žyćcia siarod supracoŭnikaŭ i hramadzianskaha piersanału orhanaŭ unutranych spravaŭ Respubliki Biełaruś, vajskoŭcaŭ i hramadzianskaha piersanału ŭnutranych vojskaŭ Ministerstva ŭnutranych spravaŭ Respubliki Biełaruś».
Jon akreślivaje miery pa baraćbie sa škodnymi zvyčkami siarod pravaachoŭnikaŭ.
«Ni cyhareta, ni, tym bolš, ałkahol niesumiaščalnyja sa zvańniem supracoŭnika milicyi i vajennasłužačaha Unutranych vojskaŭ!
Miery pa baraćbie z hetymi niehatyŭnymi źjavami pradprymalisia kiraŭnictvam MUS i raniej — u formie roznych kompleksaŭ praktyčnych i arhanizacyjnych mier. Novy zahad taksama źmiaščaje niamała takich, praŭda, u adroźnieńnie ad raniejšych jany hranična kankretyzavany», — havorycca ŭ paviedamleńni pres-słužby ministerstva.
Ciapier administratyŭnyja budynki AUS, złučeńniaŭ i vajskovych častak unutranych vojskaŭ i prylehłyja da ich terytoryi abvieščanyja zonami, volnymi ad paleńnia. Śpiecyjalna abstalavanyja dla kurcoŭ miescy rekamiendujecca raźmiaščać na maksimalna mahčymym addaleńni ad ich.
Milicyjantam i vajskoŭcam, jakija padparadkoŭvajucca MUS, zabaroniena kuryć u formie. Parušalnikaŭ buduć pryciahvać da dyscyplinarnaj ci administratyŭnaj adkaznaści.
Mierkavańni adnosna novaj pastanovy razychodziacca, u tym liku i siarod samich milicyjantaŭ. Adny ličać, što krok pravilny: siłaviki pavinny być uzoram zdarovaha ładu žyćcia, a kureńnie abnižaje fizičnyja zdolnaści bajca. Druhija ŭvažajuć, što taki zahad parušaje pravy milicyjanta jak hramadzianina.
Bo ž zabarona kuryć u formie i na pracy aznačaje, što čałavieka zmušajuć kinuć palić navat proci jahonaj voli. Dla kureńnia prosta nie zastajecca mahčymaści. Nie moža ž kurec pieraapranacca dla pierakuru.
A jak miarkujecie Vy? Vykazvajciesia ŭ kamientach da hetaha artykuła.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary