Viečaram 8 vieraśnia dziesiać biełaruskich hramadzian evakujavanyja ź Siryi rejsam MNS Rasii. Jašče troje hramadzian Biełarusi pavinny prylacieć ź Biejruta siońnia rejsam «Biełavija», paviedamili ŭ
pres-słužbie biełaruskaha MZS.
U pasolstvie Biełarusi ŭ Siryi paćvierdzili, što sapraŭdy byŭ padrychtavany śpis z 13 čałaviek, jakija vykazali žadańnie pakinuć hetuju krainu.
«Rabota pa evakuacyi praciahvajecca. Kali nie atrymałasia vylecieć u hety raz ź niejkich pryčyn, my arhanizujem u nastupny.
My pastajanna pracujem ź ludźmi, infarmujem ich, i niekatoryja pastupova vyrašajuć palacieć, chacia časam u ich niama na radzimie žylla i pracy», — raskazaŭ pradstaŭnik pasolstva.
Na ŭliku dyppradstaŭnictva Biełarusi ŭ Siryi znachodzicca prykładna 90 biełaruskich hramadzian — heta ŭ asnoŭnym žonki i dzieci siryjskich hramadzian.
4 vieraśnia biełaruskaje MZS «nastojliva rekamiendavała» hramadzianam Biełarusi pakinuć Siryju ŭ suviazi z abvastreńniem situacyi ŭ hetaj krainie i vakoł jaje.
Hramadzianie Biełarusi mohuć źviartacca pa dapamohu ŭ pasolstva Biełarusi ŭ Siryi (teł. + 963 11 6118097; + 963 944 221004) abo ŭ ofis hanarovaha konsuła Biełarusi ŭ Biejrucie (teł. +961 4 542777).
Kamientary