U minskim SIZA pamior 21-hadovy aryštant
Fakt śmierci «Našaj Nivie» paćvierdziŭ načalnik SIZA Vikiencij Varykaš.
«Kamientaroŭ my nie dajom, — kaža spadar Varykaš. — Ekśpiertyza pakaža. My nie viedajem, ad čaho jon pamior».
Infarmacyju pra zdareńnie raspaŭsiudziła «Płatforma».
21-hadovy Ihar Pcičkin musiŭ adbyć u SIZA trochmiesiačny aryšt: sieŭ za rul aŭto, chacia byŭ pazbaŭleny pravoŭ. 30 lipienia jon pryjechaŭ u Zavodskaje RUUS Minska, kab adbyć pakarańnie. Jaho pravodzili maci ź siastroj. Chłopca advieźli ŭ SIZA №1 na Vaładarskaha. A 4 žniŭnia jon pamior.
Na sustrečy z načalnikam SIZA rodnymi chłopca paviedamili, što ŭ Ihara 3 žniŭnia pačałosia «psichamatornaje ŭzbudžeńnie». I jaho źmiaścili ŭ miedycynskuju čaść, «dzie daviałosia fiksavać jaho miakkimi ramianiami».
U paśviedčańni ab śmierci, jakoje vydali rodnym, paznačana, što pryčyna śmierci vyśviatlajecca.
Rodnyja Ihara nie vierać, što małady chłopiec moh voś tak pamierci za niekalki dzion. Jany sfatahrafavali jaho cieła, na jakim u roznych miescach majucca paškodžańni. Jany ličać, što chłopca bili. U SIZA ž admaŭlajuć źbićcio.
Psichamatornaje ŭzbudžeńnie — heta psichičnaje rasstrojstva. Čałaviek robić šmat ruchaŭ, šmat havoryć (moža kryčać), učynki niepradkazalnyja. Časam takoje ŭzbudžeńnie supravadžajecca ahresijaj, viesiałościu, razhublennaściu. Mahčymyja tryźnieńnie i halucynacyi. Čałaviek moža być niebiaśpiečnym jak dla siabie, tak i dla inšych. Padlahaje nieadkładnaj izalacyi.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary