15 červienia na 81-m hodzie ŭ Maskvie pajšła z žyćcia biełaruskaja piśmieńnica Alena Ryhoraŭna Kobiec-Filimonava.
Usiaho hod, jak jana pakinuła Minsk. Kab nie być samotnaj, pierasialiłasia žyć pobač z synam Dźmitryjem Filimonavym — u svoj čas viadučym papularnaj biełaruskaj telepieradačy «Krok». Pierad adjezdam joj była zadumana kniha ŭspaminaŭ pra dziacinstva, praviedzienaje ŭ akupavanym Minsku. Asobnyja artykuły z knihi pabačyli śviet u rasijskim časopisie «Russkij pionier». Kniha čakaje svajho vydaŭca.
Za svajo žyćcio Alena Ryhoraŭna napisała bolš za dziasiatak knih. Asablivuju viadomaść joj prynieśli knihi pra Chatyń («Žavoronki nad Chatyńju» i «Raśpiataja Chatyń»), a taksama kniha «Kali ŭciakała sonca» (pra tvorčaść, žyćcio i pakuty jaje baćki, viadomaha biełaruskaha dramaturha i scenarysta pačatku 1930 hadoŭ minułaha stahodździa Ryhora Kobieca). Va ŭsich svaich tvorach piśmieńnica była hranična ščyraj, havaryła słovam praŭdy. Nie adnojčy jana vystupała ŭ biełaruskaj presie jak vydatny palemist.
Tyja, chto viedaŭ Alenu Ryhoraŭnu, nazaŭsiody zachavajuć pamiać pra hetu sumlennuju žančynu.
Redakcyja «Novaha času» dałučaje svaje słovy žalby i smutku z nahody zychodu z žyćcia Aleny Ryhoraŭny
- Redakcyja «NN» dałučajecca da spačuvańniaŭ.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary