Premjer-ministr Biełarusi Michaił Miaśnikovič padpisaŭ rasparadžeńnie, u adpaviednaści ź jakim Ministerstvu sielskaj haspadarki i charčavańnia daručana ŭnieści źmieny ŭ vieterynarna-sanitarnyja praviły ŭtrymańnia praduktyŭnych žyvioł u asabistych padsobnych haspadarkach hramadzian.
Jak paviedamlaje pres-słužba ŭrada, hetyja źmieny praduhledžvajuć prava fiermierskaj (sialanskaj) i asabistym padsobnym haspadarkam hramadzian pry ŭmovie zachavańnia vieterynarna-sanitarnych praviłaŭ samastojna pravodzić zaboj sielskahaspadarčych žyvioł. Zaboj pavinien ažyćciaŭlacca pad kantrolem vieterynarnaha ŭrača z abaviazkovym praviadzieńniem vieterynarna-sanitarnaj ekśpiertyzy, padkreślivajecca ŭ dakumiencie.
U rasparadžeńni taksama prapisana patrabavańnie pa arhanizacyi apieratyŭnaha vyjezdu ŭ fiermierskija (sialanskija) i asabistyja padsobnyja haspadarki hramadzian, jakija zajmajucca vyroščvańniem praduktyŭnych žyvioł, vieterynarnych śpiecyjalistaŭ dla praviadzieńnia kliničnaha ahladu žyvioł z vydačaj vieterynarnych supravadžalnych dakumientaŭ.
Biełaruskamu respublikanskamu sajuzu spažyvieckich tavarystvaŭ sumiesna z abłvykankamami daručana pryniać rašeńnie ab źnižeńni nie mienš čym na 20% koštu pasłuh za zaboj i transparciroŭku sielskahaspadarčych žyvioł, a taksama pryniać dadatkovyja miery pa pavieličeńni kolkaści punktaŭ zaboju žyvioły, praduhledzieŭšy ich u kožnym ahraharadku.
Kamientary