Piensijanier štonoč kładziecca spać sa zbrojaj paśla zabojstva dźviuch adnaviaskovak, što zdaryłasia niekalki hod tamu.
U Słonimskim rajonie 81-hadovy piensijanier zastreliŭ rabaŭnika z palaŭničaj strelby, paviedamlaje BIEŁTA sa spasyłkaj na aficyjnaha pradstaŭnika ŭpraŭleńnia Śledčaha kamiteta pa Hrodzienskaj vobłaści Siarhieja Šaršanieviča.
Nočču 3 červienia dva raniej sudzimyja za kvaternyja kradziažy i rabavańni žychary Słonima vyrašyli abrabavać muža i žonku — piensijanieraŭ z adnoj ź viosak rajona. Unačy jany raźbili škło, adzin z rabaŭnikoŭ prakraŭsia ŭ pakoj, dzie spała piensijanierka, i staŭ kidać žančynu na padłohu, patrabujučy hrošaj.
Kryk pačuŭ haspadar doma. Z palaŭničaj strelbaj jon kinuŭsia ŭ pakoj i streliŭ u rabaŭnika, paraniŭšy jaho ŭ ściahno, a paśla ŭ śpinu. Złamyśnik zahinuŭ. Druhomu rabaŭniku, jaki nie paśpieŭ zaleźci ŭ dom, udałosia źbiehčy.
Piensijanier nieadkładna vyklikaŭ milicyju i “chutkuju” dapamohu. Jon taksama paviedamiŭ pravaachoŭnikam, što niekalki hadoŭ tamu ŭ ich vioscy złačyncy zarezali dźviuch piensijanierak, patrabujučy addać ich źbieražeńni. Z tych časoŭ u metach samaabarony jon nabyŭ zvyčku kłaścisia spać sa svajoj palaŭničaj strelbaj, zarehistravanaj va ŭstanoŭlenym paradku.
Paśla ahladu miesca zdareńnia, praviadzieńnia inšych śledčych i apieratyŭna-vyšukovych mierapryjemstvaŭ byŭ ustanoŭleny i zatrymany ŭ svajoj kvatery druhi rabaŭnik. Akazałasia, jon bieh biez ahladki amal 18 km.
Śledčy kamitet pačaŭ kryminalnuju spravu pa fakcie zamachu na rabavańnie, złučany z hvałtam, učynieny paŭtorna hrupaj asob z praniknieńniem u žytło. Vyrašajecca pytańnie abrańnia miery strymańnia ŭ vyhladzie zaklučeńnia pad vartu abvinavačanaha. Budzie taksama dadziena pravavaja acenka dziejańniam paciarpiełaha, jaki prymianiŭ dla abarony palaŭničuju strelbu. U vypadku pryznańnia ŭ jaho dziejańniach nieabchodnaj abarony jon nie paniasie pakarańnia.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje19
Kamientary