Ź Leanidam Dubanosavym nie praciahnuty kantrakt
Sam ekskavatarščyk Leanid Dubanosaŭ daviedaŭsia pra heta ŭviečary 21 traŭnia, kali ŭpieršyniu vyjšaŭ na pracu paśla adpačynku, adnak nie byŭ dapuščany na svajo miesca dla vykanańnia słužbovych abaviazkaŭ u načnuju źmienu.
Načalnik varty Rusłan Bunievič paviedamiŭ Dubanosavu, što jašče 16 maja ź im nie byŭ praciahnuty pracoŭny kantrakt. Pry hetym nijakich dakumientaŭ, jaki b padćviardžali hetyja słovy, Bunievič nie pradstaviŭ. U svaju čarhu Leanid Dubanosaŭ zaprasiŭ śviedkaŭ i skłaŭ akt pra toje, što jamu nie dazvolili raspačać pracu.
Varta zaŭvažyć, što Dubanosaŭ da apošniaha času zastavaŭsia adzinym ź inicyjataraŭ stvareńnia supołki Biełaruskaha niezaležnaha prafsajuzu na RUPP “Hranit” u Mikaševičach, jaki dahetul pracavaŭ niepasredna na zhadanym pradpryjemstvie. Usie inšyja aktyvisty hetaha prafsajuzu, suprać źjaŭleńnia jakoha amal paŭtary hady vystupaje administracyja “Hranita”, užo zvolnienyja i nie zdoleli damahčysia adnaŭleńnia na pracy praz sud.
Kamientary