Avaryja zdaryłasia ŭ Baranavičach, u novym mikrarajonie. Vyciahnuli praz 14 hadzin, bo byŭ vychodny.
DTZ adbyłosia prykładna ŭ hadzinu nočy 14 maja. Žychar Baranavičaŭ Artur na aŭtamabili «Škoda» jechaŭ pa vuł. Damiejki. Pavodle jaho słovaŭ, chutkaść jon nie pieravyšaŭ, ruchaŭsia pa svajoj pałasie, ažyŭlenaha ruchu ŭžo nie było.
Raptam ziamla stała płaŭna sychodzić z-pad kołaŭ, i mašyna nachiliłasia nabok — Artur trapiŭ u katłavan, vykapany pa ŭsioj šyryni vulicy, hłyboki i nijak nie paznačany.Na ščaście, chłopiec nie paciarpieŭ. Ale jon pieražyŭ strašenny stres, jaho ceły dzień tresła. Dosyć pabačyć fota, kab zrazumieć, čamu.
U subotu, 11 maja, jany pravodzili raboty pa ŭrezcy vadapravoda na Baraŭki-3, mikrarajona, jaki ŭ chutkim časie budzie zabudoŭvacca novymi šmatpaviarchoŭkami.Katłavan pakinuli paśla siabie budaŭniki BU-145.
Pa słovach majstra, jaki kiravaŭ pracami, mahčymaści skončyć urezku ŭ subotu nie było i jamu pakinuli da sierady.Pakolki vuł. Damiejki znachodzicca na ŭskrainie novaha mikrarajona i ažyŭlenaha ruchu tam niama, budaŭniki paspadziavalisia, što niazručnaściaŭ katłavan nie dastavić. Praŭda, kaža majstar, usimi nieabchodnymi znakami jaho abaznačyli: i stužački naciahnuli, i «trykutniki» z paznačeńniem «budaŭničyja pracy» z dvuch bakoŭ pastavili, i navat biarviony dla macniejšaj nadziejnaści z boku vuł. Bahryma raskidali.
A voś Artur śćviardžaje, što nijakich znakaŭ pobač nie było, a ŭnačy padčas zalevy navat na nizkaj chutkaści hetu jamu, chaj i šyrokuju, razhledzieć było niemahčyma.Abaznačeńnia, jakija budaŭniki rasstaŭlali, mabyć, raściahnuli dzieci, ličyć majstar. Sapraŭdy, pobač ź jamaj - razarvanyja stužački i plitka, jakaja padpirała mietaličnyja znaki-trykutniki. Samich znakaŭ pobač nie vidać.
Mašynu vyciahnuli tolki praz 14 hadzin paśla DTZ. Doŭhi čas, kiroŭcu nie ŭdavałasia znajści kran, kab dastać mašynu.
U śviatočny dzień da słužby evakuacyi było nie datelefanavacca, jak, zrešty i da budaŭničych arhanizacyj, u jakich majecca padobnaje abstalavańnie.U rešcie rešt, kran pradastaviła budaŭničaje ŭpraŭleńnie № 145, rabotniki jakoha i raskapali złaščasny katłavan.
Pa słovach Artura ŭ aŭtamabila paśla padzieńnia ŭ jamu paškodžany kuzaŭ i zalitaja elektryka. Na dniach mašynu nakirujuć u STA, kab padličyć škodu, a zatym Artur źbirajecca padavać pazoŭ na pakryćcio škody ŭ sud.
Čytačy paviedamlajuć, što katłavan sapraŭdy stajaŭ słaba abaznačany.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary