Prajekt Zakonu «Ab infarmacyi, infarmatyzacyi i abaronie infarmacyi» ŭklučany ŭ paradak dnia vosieńskaj sesii nižniaj pałaty parlamentu.
Prajekt Zakona «Ab infarmacyi, infarmatyzacyi i abaronie infarmacyi» ŭklučany ŭ paradak dnia vosieńskaj siesii nižniaj pałaty «parłamienta». Kiraŭnik pracoŭnaj hrupy pa raspracoŭcy zakonaprajekta «deputat» Taćciana Safronienka paviedamiła, što padčas raspracovak zakonaprajekta ŭźnikli šmat sprečnych pytańniaŭ, jakija majecca abmierkavać na vosieńskaj siesii.
«Vielmi ciažka prapisać abmiažoŭvajučy kryter, jaki zabiaśpiečyŭ by, z adnaho boku, prava na pryvatnaść, a z druhoha — prava ludziej na infarmacyju», — skazała Taćciana Safronienka.
Na dumku «deputata», «časta ŭ Internet i ŚMI traplaje niepravieranaja infarmacyja». «A kamu prad`iavić pretenzii, kali hetaja infarmacyja niezrazumieła ad kaho vyjšła?», — pryvodzić «Telehraf» słovy kiraŭnika pracoŭnaj hrupy pa padrychtoŭcy zakonaprajekta.
U svaju čarhu, namieśnik dyrektara departamienta infarmatyzacyi Ministerstva suviazi i infarmatyzacyi Biełarusi Aleh Siaklicki padkreśliŭ, što «ŭ zakonaprajekcie niama pramych pałažeńniaŭ nakont abmiežavańnia infarmacyjnych resursaŭ internet‑prastory».
Pracoŭnaja hrupa, jakaja zajmajecca padrychtoŭkaj zakonaprajekta, atrymała bolš jak 200 zaŭvah ad arhanizacyj, jakim dakumient adpraŭlaŭsia na ŭzhadnieńnie. Šmatlikija rekamiendacyi raspracoŭščyki zhadzilisia ŭličyć.
«Naprykład, my admovilisia ad abaviazkovaj dziaržaŭnaj rehistracyi ahulnadastupnych infarmacyjnych sistem. Heta nieabhruntavanaja pieraškoda. Kali infarmacyja ahulnadastupnaja, to navošta jaje rehistravać? Ciapier siabrami pracoŭnaj hrupy viadziecca aktyŭnaja dyskusija nakont metazhodnaści abaviazkovaj identyfikacyi karystalnikaŭ infarmacyjnych sistem», — paviedamiła Taćciana Safronienka.
Zakonaprajekt, jaki raspracoŭvaje pracoŭnaja hrupa, byŭ inicyjavany Ministerstvam suviazi i infarmatyzacyi, a taksama Dziaržaŭnym centram biaśpieki infarmacyi pry Prezidencie Respubliki Biełaruś.
Vystupajučy niadaŭna ŭ redakcyi «Sovietskoj Biełoruśsii» z nahody jubileju haziety, Alaksandr Łukašenka daručyŭ spynić «anarchiju ŭ Internecie». «Treba prymać zakon i prapisać u im status elektronnych ŚMI. Anarchiju ŭ Internecie treba spyniać», — zajaviŭ Alaksandr Łukašenka.
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi4
Kamientary