Napaleon Orda i Ciotka — vychodziać nastupnyja čatyry knihi ź sieryi «100 vydatnych dziejačoŭ»
Aproč ich, padrychtavanyja brašury pra Karusia Kahanca i Miečysłava Karłoviča.
Ciaham troch tydniaŭ u prodažy źjaviacca čatyry nastupnyja knihi ź sieryi «100 vydatnych dziejačoŭ biełaruskaj kultury».Zasnavalnik sieryi Anatol Taras kaža, što najlepš knihi sieryi pradajucca nie ŭ kniharniach, a ŭ handlovych centrach.
«Ja miarkuju, što heta adbyvajecca tak. — kaža spadar Taras. — Muž z žonkaj prychodzić u kramu pa ježu, i pakul žonka abiraje pradukty, jon hladzić inšyja tavary, u tym liku knihi, tamu i cikavaść da našych vydańniaŭ u handlovych centrach vyjšejšaja. Asabliva ŭ rehijonach».
Nastupnymi ŭ sieryi vyjduć:Napaleon Orda (aŭtar — Vitaŭt Čaropka)
Ciotka (aŭtar — Aleś Marcinovič)
Karuś Kahaniec (aŭtar — Aleś Paškievič)
Miečysłaŭ Karłovič (aŭtar — Iryna Šumskaja)
«Va ŭsich knihach budzie, jak i płanavałasia, 64 staronki. — kaža spadar Taras. — Ale ŭ knižcy pra Ordu budzie 23 staronki ilustracyj, kožnaja pamieram na staronku, a ŭ knizie pra Kahanca tolki dziesiać nievialikich. Ciaham hoda vyjdzie jašče jak minimum piać knih ź sieryi».
U sieryi ŭžo vyjšli knihi, pryśviečanyja Michaiłu Andryjoli, MitrafanuDoŭnar-Zapolskamu i Fłaryjanu Ždanoviču.
Pa słovach Anatola Tarasa,
u sieryi buduć vychodzić knihi, pryśviečanyja dziejačam kultury XIX — XX ctahodździaŭ, jakija ŭvasablali nacyjanalnyja pohlady na historyju, mastactva, narodnuju i prafiesijnuju kulturu Biełarusi.Heta ludzi, jakija pracavali na Biełarusi ŭsio žyćcio abo značnuju častku žyćcia.
Kamientary