Student Vilenskaha ŭniviersiteta, jaki nie chacieŭ pierachodzić na navučańnie na płatnaj asnovie, pry dapamozie ŭłasnaha kampjutara zdoleŭ padłučycca da infarmacyjnaj sistemy ŭniviersiteta i «palepšyć» adznaki nie tolki sabie, ale i svaim siabram.
Heta stała viadoma ŭ vyniku rasśledavańnia, praviedzienaha Biuro kryminalnaj palicyi Litvy i prakuratury Vilenskaj akruhi ŭ suviazi ź niezakonnym uzłomam infarmacyjnaj sistemy VU.
22 hadovy Juścinas V., jaki paśla ustanoŭlenych faktaŭ ŭzłomu byŭ vyklučany z univiersiteta, usiaho mianiaŭ adznaki 27 razoŭ — usio heta jon rabiŭ na praciahu 8 miesiacaŭ. Dla padłučeńnia da sistemy VU student vykarystaŭ dadzienyja i paroli vykładčykaŭ ŭstanovy.
Pra niestandartnyja zdolnaści Juścinasa viedali jaho adnakurśniki — za bolš vysokija acenki jon ad ich atrymlivaŭ simvaličnaje ŭznaharodžańnie. Jak vyśvietliłasia, studentu siabry płacili 140–300 litaŭ (450–900 tys. rubloŭ) u ahulnaj składanaści za 8 miesiacaŭ jon zarabiŭ kala 1300 litaŭ (kala 4 młn rubloŭ).
Jak ustalavała śledstva, student fakulteta matematyki i infarmatyki dapamahaŭ «palepšyć» acenki jašče 10 studentam.
Studentu ŭdałosia praniknuć u bazu dadzienych VU, dzie jon vyjaviŭ źviestki padłučeńnia i paroli vykładčykaŭ.Chakier raspavioŭ, što pry dapamozie ŭviadzieńnia ŭ pošukavuju sistemu Google peŭnych słoŭ vyvučyŭ strukturu univiersiteckaha sajta i zrazumieŭ, što jana nie abaroniena.
Student sabie i svaim siabram padvyšaŭ acenki na niekalki bałaŭ, ale byli vypadki, kali jon zamiest zapisu «Nie dapuščany da ispytu» upisvaŭ acenku 5 ci 7 bałaŭ.
Sud pastanaviŭ pakarać Juścinasa V. štrafam u pamiery 8 000 litaŭ (26,4 młn rubloŭ), akramia taho, u jaho kanfiskavany sistemny błok kampjutara.
Jak biełarusy ŭ Vilni adznačyli Dzień Voli ŠMAT FOTA4
Jak biełarusy ŭ Vilni adznačyli Dzień Voli ŠMAT FOTA
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1111
Kamientary