Viasna znoŭ adkładvajecca: sinoptyki prahnazujuć marazy da 10 krasavika
Niezvyčajna chałodny sakavik u hetym hodzie zatrymlivaje pačatak viasnovych palavych rabot bolš, čym na dva tydni.
Na bolšaj častcy terytoryi Biełarusi na palach zachoŭvajecca śniežny kilim vyšynioj ad 20 sm da 45 sm, u Mahiloŭskaj vobłaści — da 60 sm. Tolki pa paŭdniovym zachadzie krainy śniehu mieniej — ad 5 da 15 sm.
Pavodle prahnozu, u apošnija dni sakavika i ŭ pačatku krasavika ŭ krainie čakajecca vielmi niaŭstojlivaje nadvorje. Znoŭ projduć apadki ŭ vyhladzie śniehu, mokraha śniehu, pa poŭdni i paŭdniovym uschodzie — z daždžom.
Aktyŭnaje tajańnie śniehu ŭ bolšaści rajonaŭ krainy pačniecca ŭ kancy pieršaj dekady krasavika.
U hety čas čakajecca pierachod siaredniasutačnaj tempieratury pavietra praz 0S u bok pavyšeńnia, što charaktaryzuje pačatak viasny.
Pramiarzańnie hleby ŭ hetym hodzie ŭ paŭdniovaj zonie i ŭ centralnych rajonach krainy nievialikaje — u asnoŭnym nie bolš za 5–20 sm.
Pa miery schodu śniehu adtavańnie hleby budzie prachodzić davoli chutka.Adnak poźniaja viasna i poźni schod śniehu prykmietna skarociać pieryjad aptymalnych ahratechničnych terminaŭ siaŭby rańnich jaravych kultur. Pačatak siaŭby rańnich jaravych kultur na poŭdni Biełarusi stanie mahčymym tolki da kanca pieršaj dekady krasavika.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja22
Kamientary