Nieviadomyja sprabavali spravakavać Chalip, padmanuć ŚMI

20 sakavika čatyry biełaruskija ŚMI atrymali list ad čałavieka, jaki pradstaviŭsia žurnalistam rasijskaha telekanała «Dožd́» Mikitam Biełahałoŭcavym, i prapanavaŭ apublikavać intervju Iryny Chalip, jaki jana nibyta dała pa telefonie hetamu telekanału.

Svaju prapanovu aŭtar lista patłumačyŭ tym, što intervju rychtavałasia dla novaj prahramy «Biez kupiur», ale «paśla dvuchtydniovaha rozdumu redakcyja nie zaćvierdziła pieradaču, bo na biełaruskuju tematyku ŭ nas ciapier tabu».

«Dobryj dień. Vozmožno Vas zaintieriesujet priedłožienije. 2-ho marta naš žurnalist Jurij Saprykin brał intierv́ju u biełorusskoj žurnalistki Iriny Chalip dla novoj prohrammy „Biez kupiur“, voprosy byli dostatočno horiačimi i hdie-to dažie provokacionnyje, no u nas i format pieriedači płanirovałsia imienno takoj. Pośle dvuch niedielnoho razduḿja riedakcija nie utvierdiła pieriedaču, da i na biełorusskoj tiematiku u nas kak vyjaśniłoś siejčas tabu. A matieriał połučiłsia chorošij, možno skazať ekskluziv, žal budiet jeśli propadiet. Jesť nieposriedstvienno sam audio fajł i jeho stienohramma. V słučaje zaintieriesovannosti hotovy priedostaviť

S uvažienijem, Nikita Biełohołovciev».

List pryjšoŭ z adrasa Nikita Biełohołovciev [email protected] (stylistyka i arfahrafija aryhinała zachavanyja).

My adčuli niejki falš u liście i stali pierapraviarać infarmacyju. U pryvatnaści,

my źviarnuli ŭvahu na toje, što hołas realnaha žurnalista Saprykina roźnicca ad hołasu na aŭdyjozapisie, jaki byŭ nam dasłany. A samaje hałoŭnaje — pytańni!

A ŭ maskoŭskim telefonie, pakazanym dla zvarotnaj suviazi, nie chapała adnoj ličby.

Tamu NN zapadozryła dezynfarmacyju i praciahvała vyśviatlać, što da čaho. Toje samaje, jak akazałasia, rabiŭ Tut.baj.

Iryna Chalip raspaviała, što sapraŭdy ŭ pačatku sakavika joj telefanavaŭ niejki čałaviek, jaki pradstaviŭsia supracoŭnikam «Daždžu», i ŭziaŭ u jaje karotkaje intervju pa telefonie. Pytańni — nibyta ad hledačoŭ telekanała — zdalisia joj dziŭnymi i navat abraźlivymi, tamu jana zrabiła vysnovu, što heta pravakacyja. Paśla hetaj razmovy jana navat napisała zajavu ŭ Upraŭleńnie «K» MUS Biełarusi.

TUT.BY źviazaŭsia i z samim Mikitam Biełohołovcievym. «Heta niejkaja vielmi dziŭnaja i, mabyć, vielmi niepryhožaja historyja. Ja nie maju nijakaha dačynieńnia ni da ŭkazanym telefonie, ni da adrasu elektronnaj pošty», — paviedamiŭ jon.

Tym časam samo «intervju» ranicaj 22 sakavika było vykładziena na YouTube. Pryčym heta adzinaje videa ad hetaha karystalnika.

Nieciarplivy virtualny surazmoŭca napisaŭ: «Nas papiaredžvali, što ź biełarusami pracavać dosyć składana. U pryncypie, čakańni apraŭdalisia. Z čatyroch vašych ŚMI nichto raźmiaścić tak i nie advažyŭsia».

A ciapier hałoŭnaje pytańnie. Chto zadumaŭ hetuju brudnuju hulniu?

• 0
• 0
• 0
• 0
• 0
• 0
• 0
• 0