Debiutnaja stužka Alaksieja Bałabanava i televizijnaja versija Frankienštejna.
Na ekranie debiutnaja stužka Alaksieja Bałabanava i televizijnaja versija Frankienštejna.
Ščaślivyja dni (Sčastlivyje dni)
Rasieja, 1991, čorna-bieły, 86 chv.
Režyser: Alaksiej Bałabanaŭ
Roli vykonvajuć: Viktar Sucharukaŭ, Anžalika Niavolina, Jaŭhien Miarkurjeŭ, Hieorhi Tejch, Mikałaj Łaŭroŭ
Žanr: Absurdysckaja drama pavodle tvoraŭ Semiuela Bekieta
Pryzy: Pryz žury krytykaŭ na kinafeście ŭ Zarečnym, pryz za lepšy poŭnametražny film na kinafeście “Debiut” (Maskva)
Adznaka: 6 (z 10)
Paśla ranieńnia ŭ hałavu hieroj stužki (Viktar Sucharukaŭ) zhubiŭ pamiać i straciŭ poviazi z realnym žyćciom. Ź labaratoryi jaho vyšturchnuli na vulicu, dzie jon badziajecca j nia zdolny znajści siabie. Čałavieku padabajecca pryhažunia (Anžalika Niavolina), ale jana nie źbirajecca adkazvać na jahonaje kachańnie, bo zaniataja ŭ najstaražytnaj prafesii…
Dziŭny, absurdovy, viazki i chałodny film. Debiutnaja poŭnametražnaja stužka Alaksieja Bałabanava, admietnaja cełasnym vykštałconym stylem i praniźlivym adčužeńniem. Źlakana-nieprykmietny Viktar Sucharukaŭ, biaźvinna-drapiežnaja Anžalika Niavolina – i popielna-šeryja saviecka-bekietaŭskija śnieńni.
Frankienštejn (Frankenstein)
Słavaččyna – ZŠA, 2004, kalarovy, 204 chv (televizijny seryjał)
Režyser: Kievin Konar
Roli vykonvajuć: Luk Hos, Alek Ńjumen, Džuli Dempi, Donald Sazerłend, Monika Chilmierava, Ŭiljam Hiort, Łajana Bamberh
Žanr: Film žachaŭ pavodle adnajmiennaha ramana Mery Šeli
Pryzy: Premija “Emi” Bieatryks Dalinhieravaj za najlepšy hrym
Adznaka: 5,5 (z 10)
Małady navukoviec Viktar Frankienštejn zaciata daśleduje nieviadomaje. U svajoj labaratoryi z častak pamierłych ciełaŭ jon źbiraje i ažyŭlaje novuju istotu. Ale pačvara, abražanaja ahidaju svajho baćki, pačynaje pomścić svajmu stvaralniku…
Televizijnaja ekranizacyja klasyčnaha ramanu žachaŭ, ździejśnienaja kanałam Hallmark, dasłoŭna śleduje za aryhinałam. Atmasfera XIX stahodździa (samaje kaštoŭnaje ŭ filmie), hatyčnyja razvaliny ŭ harach (dzie navukoviec i jahonaje stvareńnie viaduć maralny dvuboj), palarnyja ildy.
Niaščasna-ramantyčnaja ažyŭlenaja istota (Luk Hos), buntar-navukoviec (Alek Ńjuman), bahabajazny prafesar (Ŭiljam Hiort), sumlenny kapitan (Donałd Sazerłend).
Nietaropki film raściahnuty na niekalki seryj i, adpaviedna aŭdytoryi, vyzvaleny ad žorstkaściaŭ.
Ciapier čytajuć
Što Polšča i Biełaruś chočuć adzin ad adnaho pry vyzvaleńni Pačobuta? A Kanapackaja vyzvałasia stać paručycielem5
Kamientary