Historyka pa adukacyi Tozika nie zadavoliła vyklučna vykładčyckaja karjera. U 1980 jon skančvaje Vyšejšyja kursy KDB u Minsku.Nievysoki rost Tozika nie zaškodziŭ jamu stać niefarmalnym «lidaram mładaturkaŭ». Tak Alaksandr Fiaduta nazvaŭ ludziej, što pryjšli ŭ atačeńnie Łukašenki ŭžo pa refierendumie 1996 i byli ŭsim jamu abaviazanyja.
Tozik razhladaŭsia jak supraćvaha Šejmanu.Ale z Kamiteta dziaržkantrolu Tozika niečakana na čatyry hady adpravili «mandarynam» u daloki Kitaj. Z Padniabiesnaj jon viarnuŭsia z mnostvam idej, jak kitajski dośvied pieraniać u Biełarusi.
Prapanoŭvaŭ zrabić płatnyja palikliniki, a školnikam pavialičvać nahruzku.
Tozika niaredka možna pabačyć u Kupałaŭskim teatry. Ale siońniašni jahony ŭpłyŭ daloki ad raniejšaha.
***
Cytata: «Nivodny z 332 supracoŭnikaŭ aparata Savieta Ministraŭ nie vałodaje svabodna zamiežnymi movami. I heta ŭ krainie, jakaja znachodzicca ŭ centry Jeŭropy!»
Padčas demanstracyi čynoŭnikam płanšety, luty 2011.
Abjektyŭka
Nar. u 1949 u vioscy Kazansk Kalinkavickaha rajona. Skončyŭ histaryčny fakultet BDU (1971), a paśla i aśpiranturu. Kandydat histaryčnych navuk. U 1980 skončyŭ Vyšejšyja kursy KDB SSSR u Minsku. Da 1994 pracavaŭ u KDB, potym da 2000 na kiraŭničych pasadach u Radzie biaśpieki. Staršynia Kamiteta dziaržkantrolu (2000—2006), pasoł Biełarusi ŭ Kitai (2006—2010), vice-premjer (ad 2010).
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ4
Kamientary