21 lutaha pačnucca pieramovy ab piatym tranšy kredytu Antykryzisnaha fondu JeŭrAzES dla Biełarusi. Ab hetym paviedamiŭ 20 lutaha ŭ chodzie telemosta Siarhiej Šatałaŭ — namieśnik staršyni praŭleńnia Jeŭrazijskaha banka raźvićcia, jaki kiruje srodkami AKF JeŭrAzES.
«Pieramovy majuć na mecie padpisańnie novaha piśma ab namierach. U nas nie adno piśmo na try hady prahramy, a na kožny hod — asobnyja, tamu što situacyja chutka mianiajecca», — paviedamiŭ Šatałaŭ.
Jon nahadaŭ, što saviet Antykryzisnaha fondu JeŭrAzES, jaki adbyŭsia adnačasova z savietam JEABR 7 śniežnia 2012 hoda ŭ Minsku, acaniŭ vykanańnie Biełaruśsiu ŭmoŭ čaćviortaha tranša kredytu. Jon byŭ pieraličany 31 studzienia 2013 hoda, bo Biełaruś vykanała «ŭsie biez vyklučeńnia kolkasnyja pakazčyki, uklučanyja ŭ prahramu vydzialeńnia kredytu».
«Z punktu hledžańnia litary prahramy ličyć nievykanańnie hetaha pakazčyku zryvam prahramy my nie možam. Adnak z punktu hledžańnia „duchu“ prahramy nam ujaŭlajecca, što praźmierny rost kredytaŭ u ekanomicy Biełarusi moža abiarnucca ryzykami nazapašvańnia novaha inflacyjnaha naviesu, ryzykami paharšeńnia płaciežnaha bałansu — pa statystycy płaciežnaha bałansu heta ŭžo bačna», — adznačyŭ namieśnik staršyni praŭleńnia JEBR.Pavodle słoŭ Šatałava, pakazčyk pa roście kredytaŭ u biełaruskaj ekanomicy ŭ čaćviortym tranšy kredytu byŭ ustanoŭleny ŭ 2012 hodzie jak indykatyŭny, heta značyć nasiŭ rekamiendacyjny charaktar.
«Tempy pryrostu kredytaŭ u ekanomicy znachodziacca na ŭzroŭni vyšej za 30% pa vynikach 2012 hoda, u toj čas jak uzhodnienyja ličby byli prykmietna bolš nizkija», — patłumačyŭ pradstaŭnik banka. Jon dadaŭ, što nie vyklučaje mahčymaści źmianieńnia statusu pakazčykaŭ abjomu kredytavańnia ekanomiki Biełarusi ź indykatyŭnaha da abaviazkovaha.Abjom kredytavańnia ekanomiki ŭ Biełarusi praźmierny, padkreśliŭ Šatałaŭ.
Nahadajem, pahadnieńnie pamiž Biełaruśsiu i Jeŭrazijskam bankam raźvićcia (JEABR), jaki kiruje srodkami Antykryzisnaha fondu JeŭrAzES, pa vydzialeńni kredytu na 3 młrd. dołaraŭ šaściu tranšami było padpisana 9 červienia 2011 hoda. Pieršy tranš u 800 młn. dołaraŭ byŭ pieraličany ŭ červieni 2011 hoda, jašče 440 młn. — u śniežni
Kamientary