Kiroŭca Niaklajeva: Jakaja paskuda ŭviała Paetu ŭ vušy, što mašynu zatrymali?
Artur Papok padčas prezidenckajSpadar Papok adreahavaŭ na ŭčorašnija słovy Uładzimira Niaklajeva, što druhaja mašyna z hukaaparaturaj 19 śniežnia 2010 była zatrymanaja, tamu było vyrašana iści z ofisa «Havary praŭdu». Chacia pieršapačatkova Niaklajeŭ i Statkievič musili źjavicca ź inšaha miesca.kampanii-2010 pracavaŭ u štabie kandydata ŭ prezidenty Uładzimira Niaklajeva. Mienavita jon byŭ za rulom busika z aparaturaj, jaki byŭ zatrymany na vulicy Kalektarnaj.
«Ja byŭ u hrupie, jakaja zajmałasia kamplektavańniem abiedźviuch mašyn. Razam sa mnoj tam byli taksama Aleh Miacielica, Pavieł Vinahradaŭ, Juryj Alejnik i piaty chłopiec, zabyŭsia jahonaje proźvišča. Tuju mašynu my pakinuli na vulicy Ubareviča ŭ Čyžoŭcy», — kaža Artur Papok.
«Paśla trahičnych padziej na Płoščy ja tydzień chavaŭsia pa znajomych. Tym nie mienš, ja padrychtavaŭ miesca, kudy možna pierahnać tuju mašynu z Ubareviča.
Klučoŭ u mianie nie było, ale ja znajšoŭ čałavieka, jaki prafiesijna zajmajecca zamkami, i moh adamknuć dźviery i zavieści aŭto. My pryjechali ŭ Čyžoŭku, pabačyli busik. Ale pobač znachodziłasia vielmi padazronaja „Volva“. Mnie padałosia, što čałaviek, jaki ŭ joj siadzieŭ, pilnavaŭ naš bus.Mahčyma, heta prosta ŭ stracha vočy vialikija. Ale ja žyŭ na vulicy Ubareviča i viedaŭ tam ci nie kožnuju mašynu. Tamu my nie stali ryzykavać».
Pa słovach Artura Papka, mašyna ŭ Čyžoŭcy stajała jašče ŭ studzieni. «Jaje zabraŭ toj piaty čałaviek, jakoha ja nie pomniu proźvišča, paśla čaho pradaŭ z dapamohaj majho znajomaha».Kiroŭca kaža, što pryjšoŭ u kamandu Niaklajeva, bo tvory paeta vielmi paŭpłyvali na jaho, jak na čałavieka. «Mnie cikava, što za paskuda ŭliła ŭ vušy Niaklajevu hetuju niapraŭdu?»
Ciapier Artur Papok žyvie ŭ Polščy, kudy emihravaŭ u chutkim časie paśla prezidenckich vybaraŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary