10 praviłaŭ zdarovaha kachańnia

Byvaje, kachańnie daje siłu. A byvaje, jano vymučvaje.

Časam jano daje kryły. A paroju adnimaje žadańnie žyć.

Adno ciešyć — druhoje dratuje.

Ad kachańnia biarucca dzieci. A ad inšaha biarucca prablemy, u tym liku sa zdaroŭjem.

10 asnoŭnych pryncypaŭ zdarovaha kachańnia — taho samaha, jakoje robić čałavieka ščaślivym i padaŭžaje žyćcio.

1. Čałavieka nie pierarobiš. Prymajcie svajho čałavieka takim, jaki jon jość. Chočacie pierajnačyć partniora? Nie ŭdasca. Tolki sol jamu na rany syplecie. A kali i ŭdasca, to heta ž budzie inšy čałaviek. A vy peŭnyja, što hetamu inšamu čałavieku vy — taki ci takaja, jaki vy jość — budziecie treba? Jon ža ŭžo inšy.

2. Nielha kupić kachańnie. Dumajecie, možna? Vašy traty nie akupiacca.

3. Vam pryjemna vyklikać u mužu / žoncy / siabru / siabroŭcy reŭnaść? Vas heta ŭzbudžaje, zabaŭlaje? Vy hulajeciesia z ahniom. A dzie ahoń — tam i pryharaje. Dzie ahoń — tam kaniečnie niechta apiačecca. Ludzi i biez taho schilnyja da reŭnaści, ludziam i biez taho ad pryrody brakuje ŭpeŭnienaści ŭ sabie, tamu nie varta śviadoma raspalvaać hetaje pačućcio.

4. Čałaviek, jaki sapraŭdy kachaje, nie patrabuje dokazaŭ uzajemnaści. Nie patrabuje padarunkaŭ, nie patrabuje ŭvahi. Jon sam dakazvaje jamu svajo kachańnie. Jamu dosyć.

5. Nichto nie lubić depresiŭnych ludziej. Budźcie pazityŭnym.

6. Mužčyny nie lubiać isteryčak. Žančyny nie lubiać niepradkazalnych mužčyn.

7. Toje, što ŭspychvaje imhnienna, chutka i pieraharaje. Tolki spraŭdžanaje kachańnie doŭžycca, a stabilnyja adnosiny dajuć u žyćci najbolšaje ščaście i zdaroŭje.

8. Čałaviek bje druhoha čałavieka? Nie vas, ale bje? Čałaviek padmanvaje druhoha čałavieka? Nie vas, ale padmanvaje? Čałaviek sieksot? Vy heta bačycie, ale dumajecie: «Ale ž heta inšych. Mianie jon nie kranie. Zatoje ž i zarablaje jon…» Iluzija! Ščaścia z takim nie budzie.

9. Kali jość sumnievy, lepš ustrymacca. Lepš pačakać, buduć i inšyja šancy. Varta ŭstrymlivacca ad dziejańniaŭ, jakija patrabujuć zanadta vialikich namahańniaŭ abo vydatkaŭ i vydajuć vašu zališniuju zacikaŭlenaść. I toje, i druhoje albo nie cenicca, albo paśla chutka abiasceńvajecca.

10. Jak praviła, ludzi adčuvajuć siabie najbolš kamfortna z partniorami svajoj nacyjanalnaści, svajoj movy, svajoj relihii, blizkimi sabie pa sacyjalnym stanoviščy, pa ŭzroŭni adukacyi… Ale jakija pry hetym źjaŭlajucca ich psichałahičnymi antypodami. Vašy žyćciovyja kaštoŭnaści pavinnyja supadać. Kali vy majecie vyšejšuju adukacyju, vam varta šukać partniora z dypłomam VNU. Psichałahičny ž antypod budzie stabilizavać vaš dušeŭny stan. Ekstraviertu patrebny intraviert, piesimistu — aptymist.

Sacyjalnaje stanovišča i supadzieńnie pohladaŭ jadnajuć, a adzinstva psichałahičnych supraćlehłaściaŭ zabiaśpiečvaje harmoniju i bałans.

I apošniaje. «Raniej tre było dumać!». Uzvažvajcie i zadumajciesia na rańnim etapie, kali adnosiny tolki zaviazvajucca, tolki naładžvajucca, pakul vy nie paśpieli trapić u zaležnaść ad bieśpierśpiektyŭnaha pačućcia.

• 0
• 0
• 0
• 0
• 0
• 0
• 0
• 0