Hleb — najlepšy futbalist Biełarusi
24-hadovy paŭbaronca londanskaha «Arsenału» i zbornaj Biełarusi Alaksandar Hleb nazvany najlepšym futbalistam krainy 2005 hodu. Heta vyśvietliłasia ŭ chodzie tradycyjnaha apytańnia viadučaj spartovaj hazety Biełarusi «Priessboł». Heta treciaja pieramoha Hleba. U 2002 i 2003 h. jon taksama stanaviŭsia pieršym. Druhoje miesca zaniaŭ paŭabaronca samarskich «Kryłaŭ Savietaŭ» Dzianis Koŭba, treciaje — forvard italjanskaj «Sampdoryi» Vital Kutuzaŭ.
Tenis: vyniki sezonu
Biełarus Maksim Mirny i šved Jonas Bjorkman zaniali druhoje miesca ŭ suśvietnym rejtynhu parnych tenisistaŭ pa vynikach sezonu-2005. Sioleta jany zarabili $ 638 tys. U biahučym adzinočnym rejtynhu Mirny 35-ty (hod tamu — jon byŭ 46-m). Adnaasobna Mirny zarabiŭ $ 1 140 tys., za ŭsiu karjeru — $ 6 236 tys.
Švajcarcy bajkatujuć kiebaby
Zaŭziatary futbolnaj zbornaj Švajcaryi abviaścili bajkot stravam z tureckaj kuchni. Takim čynam jany vykazvajuć pratest suprać skandału, što adbyŭsia padčas stykavaha matču ŭ Stambule pamiž zbornymi abiedźviuch krain. Paśla matču — Švajcaryja pa vynikach dźviuch sustrečaŭ trapiła na čempijanat śvietu pa futbole — hulcy hetaj zbornaj atrymali kuchtaloŭ nia tolki ad raźjatranych zaŭziataraŭ, ale j ad futbalistaŭ i navat supracoŭnikaŭ słužby achovy stadyjonu.
Praŭda, švajcarskaja presa kpić, što 90% fast-fudaŭ z tradycyjnaj tureckaj kuchniaj utrymlivajuć kurdy. A jany ŭ dvuboi Švajcaryja—Turcyja chvareli za pieršych.
belapan.com, sport-express.ru
Ciapier čytajuć
«Stajać na svaim, kožny nakolki moža!» Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii9
Kamientary